ቻይናዊት ኣደ ንመሕከሚ ጓላ ዝውዕል ገንዘብ ንምርካብ ፀባ ጡባ ኣብ ፅርግያ ክትሸይጥ ጀሚራ

እዚ ፅሑፍ ኣብ ከቢድ ፀገም ጥዕና ንዘላ ጓሎም መሕከሚ ዝውዕል ገንዘብ ንምርካብ ንደቒቓ ብ10 ዩኣን ከምእተጥቡ ይሕብር Image copyright Pear Video
ናይ ምስሊ መግለጺ እዚ ፅሑፍ ኣብ ከቢድ ፀገም ጥዕና ንዘላ ጓሎም መሕከሚ ዝውዕል ገንዘብ ንምርካብ ንደቒቓ ብ10 ዩኣን ከምእተጥቡ ይሕብር

ገና ኣብ ዕድመ ንእስነት እትርከብ ቻይናዊት ኣደ ንመሕከሚ ውላዳ ዝውዕል ገንዘብ ንምርካብ ፀባ ጡባ ክትሸይጥ ጀሚራ።

ኣብ መርበብ ሓበሬታ ኣብ ዝተፈነወ ቪድዮ፡ ኣብ ዘስግእ ኩነታት ጥዕና እትርከብ ጓሎም ንምሕካብ እንተውሓደ 11 ሽሕን 250 ፓውንድ ከተኣኻኽቡ ከምዘለዎም እታ ኣደን በዓል ገዝኣን ተዛሪቦም።

ን2.4 ግዜ ዝተርኣየ ቪድዮ፡ ልዕሊ 5,000 ርእይቶታት (comments) ተዋሂብሉ።

እታ ኣደ ፍላይ ማንታ ዝኾነት ጓላ ቅልጡፍ ሕክምና ንኽትረክብ ፀባ ጡባ ትሸይጥ ምህላዋ ተዛሪባ።

በዓል ገዝኣ'ውን "ብኣማኢት ኣሽሓት ዩኣን (ገንዘብ ቻይና) ከምፅኡ እንተኺኢሎም ውላዶም ካብ ሕማማ ከምእትሓዊ ዶክተር ሓቢሩልና" ኢሉ።

ካብ ቀረባ እዋናት ንደሓር ማእኸላት ኣገልግሎት ሕክምና ቻይና ልዑል ገንዘብ ብምሕታት ንተሓከምቲ ናብ ፀገም የእትዋ ብምህላወን ነቐፌታታት እናወፁ እዮም።

ኣብ ኤንተርኔት ዝወሃብ ዘሎ ርእይቶታት ብስምዒት ሓዘን ዝተመልአ እንትኸውን፡ ብዙሓት ድማ "ፀባ ብምሻጥ ውላድ ምድሓን" ንዝብል ሓረግ ናብ ኩሉ ክባፃሕ ('ሼር') እናገበሩ እዮም።

ሓደ ካብ ሞንጎ'ቶም ብዙሕ ተቐባልነት ዝረኸቡ ማለት እውን ልዕሊ 3,000 'ላይክ' ዝተገበረ ርእይቶ "ኣብ ትሑት ደረጃ መነባብሮ ዝርከቡ ሰባት ብኸቢድ እንተሓሚሞም፡ ሰብኣዊ መሰላት እውን የብሎምን" ይብል።

Image copyright Weibo

ካልኦት ነቲ ተግባር ዝተቓወሙ ርእይቶ ወሃብቲ ድማ ሓገዝ ንምርካብ ፀባ ጡብ ምሻጥ ዘይተለመደ ተግባር ከምዝኾነ ገሊፆም።

"ፀባ ጡብ ብድሕሪ ምሻጥ ክብርኻ ከመይ ምምላስ ይከኣል?" ብዝብል ሕቶ ርእይትኡ ዝሃበ ሰብ እንትህሉ፡ ነዞም ርእይቶታት ድማ ካብ ካልኦት ተጠቀምቲ ማሕበራዊ መራኸቢታት ምላሽ ተዋሂቡ።

ኣብ ክንዲ ንኽብሪ ንውላድካ ምቕዳብ ከምዝግባ ዝሕብሩ መልስታት ቀሪቦም።

በቲ ኩነታት ሰባት ኣብ ክልተ ሓሳባት ተመቒሎም ይርከቡ።

ተመሳሳሊ ዛዕባታት