ተደጋጋሚ ገበን ምዕማፅ ዝፈፀመ ውልቀ ሰብ ልዕሊ 250 ዓመት ማእሰርቲ ተፈሪድዎ

ቤት ማእሰርቲ Image copyright Getty Images

ላዕለዋይ ቤት ፍርዲ ደቡብ ጋተንግ፡ ንወዲ 26 ዓመት ሻድራክ ዢዳዳ ቻውከ ብ23 ገበናት ፆታዊ ዓመፅን ክልተ ፈተነ ቅትለትን ፈሪዱ።

ብዘይካ'ዚ ብፈተነ ቅትለት፣ ከቢድ ኣካላዊ መጉዳእቲ ብምፍፃም፣ ጉሕለትን ጭውያን ብዝብሉ ተወሰኽቲ ክስታት 254 ዓመታት ማእሰርቲ ተፈሪድዎ።

ነቶም ገበናት ምዕማፅ ካብ 2012 ክሳብ 2014 ኣብ ዝነበሩ እዋናት'ዩ ፈፂምዎም።

ናብ ገዛ ግዳያት እናኣተወ ኣካላዊ መጥቃዕቲ ብምብፃሕ ነቲ፡ ነቲ ገበን ምዕማፅ ይፍፅም። መፃምዲ እተን ግዳያት'ውን ነቲ ተግባሩ ክርእዩ የገድድ ነይሩ።

ፖሊስ ከምዝገለፆ፡ ቻውኬ ኣብ ትሕቲ ቀይዲ ዝወዓለ ኣብ 2015 ዝፈፀሞ ገበን ሰለስተ ወርሒ ምስሓለፎ እታ ናይ ሽዑ ግዳይ ንፖሊስ ብዝሃበቶ ሓበሬታ'ዩ።

ዝተገበረ ምርመራ ድማ ምስ ካልኦት 17 ገበናት ርክብ ከምዘለዎ ኣረጋጊፁ።