ውድብ ሕቡራት ሃገራት፡ ለበዳ ንፍዮ ብሰለስተ ዕፅፊ ወሲኹ

ክታበት Image copyright AFP
ናይ ምስሊ መግለጺ ለበዳ ንፍዮ ብዘደንግፅ መልክዑ ይላባዕ ከምዘሎ ፀብፃባት ውድብ ጥዕና ዓለም ይሕብሩ

ኣብ መፈለምታ ሰለስተ ወርሒ ዓመተ 2019፡ ኣብ ዓለም ዝተመዝገቡ ቁፅሪ ሕሙማት ንፍዮ፡ ኣብ ዝሓለፈ ዓመት ተመሳሳሊ ወርሒ ምስ ዝተመዝገበ ኣሃዝ ክነጻጸር ከሎ ሰለስተ ዕፅፊ ከምዝወሰኸ ውድብ ጥዕና ዓለም ኣፍሊጡ።

ሕዚ ዘለዉ መረዳእታታት እቲ ትካል ከምዘርእይዎ፡ ለበዳ ንፍዮ ኣብ መላእ ዓለም ክላባዕ ከምዝኽእል እዩ።

እዚ ለበዳ ኣብ ኣፍሪቃ ብ 700 ሚእታዊት እዩ ዓብዩ ዘሎ።

ትኽክለኛ ቁፅሪ በዚ ሕማም ዝተጠቕዑ ሰባት ካብዚ ክበልፅ ከምዝኽእል እቲ ውድብ ሰግኣቱ ገሊጹ'ሎ።

ነዚ ከም ምኽንያት ኢሉ ዘቐመጦ ድማ፡ ኣብ ዓለም ካብ ዘለዉ 10 ብንፍዮ ዝሓመሙ ሰባት፡ ናይቲ ሓደ ሰብ ጥራሕ ስለዝፅብፀብ እዩ።

ንፍዮ ተመሓላላፊ ሕማም እንትኸውን፡ ሓደሓደ ግዘ ናብ ዝኸበደ ፀገም ጥዕና ከቃልዕ ይኽእል።

በዚ ለበዳ ኣዝየን ካብ ዝተጠቕዓ ሃገራት ድማ ዩክሬን፣ ማዳጋስካርን ህንድን ይፅረሓ። ኣብ ማዳጋስካር ጥራሕ ካብ ወርሒ መስከረም ጀሚሩ 800 ሰባት በዚ ሕማም ሞይቶም እዮም።

እዚ ሕማም ንብዙሓት ሰገናት ብራዚል፣ ፓኪስታንን የመንን እውን ኣጥቂዑ።

Image copyright Getty Images
ናይ ምስሊ መግለጺ ለበዳ ንፍዮ ብዘደንግፅ መልክዑ ይላባዕ ከምዘሎ ፀብፃባት ውድብ ጥዕና ዓለም ይሕብሩ

ንፍዮ ይስዕርር ምህላው፡ ውድብ ጥዕና ዓለም ኣተሓሳሲቡ

ኣብ ኣሜሪካን ታይላንድን ብብዘሒ ክታበት ንምዝርጋሕ ይስራሕ ኣሎ።

ሕቡራት ሃገራት ብወገኑ፡ ሕማም ንፍዮ ግቡእ ክታበት እንተድኣ ተዋሂቡ፡ "ክንከላኸሎ ንኽእል ሕማም ዋላ እኳ እንተኾነ ሕፅረት ክታበት ግና ኣሎ" ኢሉ።

ዳይሬክተር ውድብ ጥዕና ዓለም ዶክተር ቴድሮስ ኣድሓኖምን መሳርሕቶም ንሲኤንኤን ከምዝሓበርዎ፡ ዓለም ኣብ ስግኣት ለበዳ ንፍዮ ትርከብ፤ ብዛዕባ እቲ ክታበት ዝወፅኡ ግጉያትን ነኒባዕሎም ዝጋጨዉን መረዳእታታትን ድማ ፅዕንቶ ከምዘሕደሩ ተዛሪቦም።

ተመሳሳሊ ዛዕባታት