ናይጀርያ፡ ኣብ ሰሜናዊ ክፋል እታ ሃገር 14 ሰባት ብዕጡቓት ተቐቲሎም

ካርታ ናይጀርያ

ኣብ ሰሜናዊ ክፋል ናይጀርያ፡ ዞባ ክቲሲና ብረት ዝዓጠቁ ጉጅለ ንክልተ ዓድታት ብምጥቓዕ 14 ሰባት ከም ዝቐተሉ፡ ኣባል ባይቶ እቲ ዞባ ዓብዱል ጀላል ሁሪና ሩንካ ንቢቢሲ ሓቢሩ።

ዓብዱል ጀላል ሁሪና ሩንካ ብተወሳኺ፡ እዞም መጥቃዕቲ ዝፈጸሙ ጉጅለታት ብሞተርሳይክል ( ቱግቱግ ) ብምምጻእ፡ ብጥይት ሰባት ቀቲሎም ገዛውቲ ኣቃጺሎም ካብቲ ከባቢ ከም ዝተሰወሩ ኣፍሊጡ።

ኣብዘን እዞም ዕጡቓት መጥቃዕቲ ዝፈጸሙለን ጎቢራዋን ሳባዋን ዝተባሃላ ዓድታት፡ ሓያለ ዝቆሰሉ ሰባት ከም ዘለዉ'ውን ክፍለጥ ተኻኢሉ ኣሎ።

እዚ ብሰሉስ ምሸት ዘጋጥመ መጥቓዕቲ፡ ኣብቲ ከበቢ ጥራሕ ኣብ ውሽጢ እዚ ሰሙን ንኻልኣይ ግዚኡ ብምኻኑ ንነበርቲ እቲ ከባቢ ሻቕሎት ፈጢሩሎም ይርከብ።

መንግስቲ ናይጀርያ ነቲ ዞባ ንምርግጋእ ሰራዊትኳ እንተሰደደ እቲ ዞባ ግን ገና ሰላም ኣይሰፈኖን ዘሎ።

ተመሳሳሊ ዛዕባታት