ውርይቲ ተዋሳኢት ህንዲ ፕሪያንካ ቾፕራ ኣብ ኢትዮጵያ ዑደት ጀሚራ

ውርይቲ ተዋሳኢት ህንዲ ፕሪያንካ ቾፕራ Image copyright Getty Images

ውርይቲ ተዋሳኢት ህንዲ ፕሪያንካ ቾፕራ፡ ፕሮግራም ትምህርቲ ውድብ ሕቡራት -ዩኒሴፍ ንምልላይ ናብ ኢትዮጵያ ከም ዝኣተወትን ናብ ዝተፈላለዩ ከባብታት እታ ሃገር ከም እትበጽሕን ተፈሊጡ'ሎ።

ኮኾብ ተዋሳኢት ቦሊዉድ-ህንዲ፡ ፕሪያንካ ቾፕራ ብሳዕስዒት ኢትዮጵያ 'ከም ዝተመሰጠት' ሓቢራ።

ኣብ ኢንስታግራማ ዝጠቀዐቶ ቪድዮ ድማ ባህላዊ ሳዕስዒት ኢትዮጵያውን ክትስዕስዕ የርእይ። በዚ ክእለት ኢትዮጵያውያን ከም ዝተሰሓበት'ውን ገሊጻ።

እታ ጓል 36 ዓመት ተዋሳኢት "ዋላ'ኳ ጽቡቕ ክስዕስዕ እንተዘይከኣልኩ" ድሕሪ ምባል፡ እቲ ተሞክሮ ግን ምስ ኢትዮጵያ ዘቀራርባ ከም ዝኾነ ሓቢራ።

"ሳዓስዒት ወሳኒ ክፋል ባህሊ ኢትዮጵያ እዩ። ዋላ'ኳ ብቛንቋ ክንረዳዳእ እንተዘይከኣልና፡ እቲ ሳዕስዒት ግን ምስ'ዛ ሃገር ስጡም ምትእስሳር ክህልወኒ ገይሩ" ኢላ።

ቾፕራ፡ ፕሮግራም ትምህርቲ ውድብ ሕቡራት ሃገራት - ዩኒሴፍ ንምልላይ ትማሊ ሰኑይ ናብ ኢትዯጵያ ምእታዋ ተፈሊጡ።

ንሳ፡ ኣብ ዩኒሴፍ ኣምባሳደር 'ሰናይ ተግባር' ኮይና ንተመሳሳልቲ ዕላማታት ምስቲ ኤጀንሲ ህጻናት ትነጥፍ።