ሜክሲኮ፡ ጾታ ዝፈልዩ ዲቪዛ ኣጊዳ

ፈተና ዝሰርሕ ዘሎ ቆልዓ

ከንቲባ ከተማ ሜክሲኮ ክላውዲያ ሼኒባም ኣብ ናይ መንግስቲ ቤት ትምህርቲ ዝምሃሩ ተምሃሮ፡ ድሕሪ ሕጂ ጾታ ዝፈልዩ ድቪዛ ኣይክኽደኑን'ዮም ኢላ።

"ደቂ ተባዕትዮ እንተደልዮም ቀምሽ፤ ደቂ ኣንስትዮ ድማ ስረ ክኽደኑ ይኽእሉ'ዮም" ኢላ።

እዚ ስጉምቲ፡ "ንመዓርነት ባይታ ክፈጥር ይክእል'ዩ"።

ቅድም ኢሉ ዝነበረ መስርሕ፡ "ናብ ቤት ትምህርቲ ዝመጽኣ ደቂ ኣንስትዮ ቀምሽ ክክደና ግዴታ'ዩ፤ ስረ ድማ ንደቂ ተባዕትዮ እዩ" ዝብል።

ከንቲባ ሼኒባም እዚ ዓይነት ኣተሓሳስባ፡ "እዚ ታሪኩ ሓሊፉ'ዩ" ብምባል፡ እዚ ሓድሽ ውሳነ 'ብቐጥታ' ግብራዊ ክከውን'ዩ ኢላ።

Image copyright Reuters

ሚኒስቴር ትምህርቲ ሜክሲኮ ንውሳኔ እታ ከንቲባ ተቐቢሉ፤ ካልኦት ከባቢታት'ውን ክስዕብኦ ምኻነን ሓቢሩ።

ተወሳኺ ዛንታ