ኮሎምብያ፡ ዕውት ቱር ዲ ፍራንስ በርናል፡ ኣብ ዓዱ ናይ ጅግና ኣቐባብላ ተገይርሉ

ዕውት ቱር ዲ ፍራንስ በርናል፡ ናብ ዝዓበየላ ከተማ ዚፓኩራ ኩንዲማርካ ኣብ ዝኣተወሉ Image copyright AFP

ኮሎምብያዊት ከተማ ዚፓኩራ ንዕዉት ቱር ዲፍራንስ ኢጋል በርናል ድሙቕ ኣቐባብላ ገይራትሉ።

ዝሓለፈ ወርሒ ኣብ ዝተዛዘመ ቱር ዲ ፍራንስ ወዲ 22 ዓመት ኮሎምብያዊ ኢጋል በርናል ነቲ ውድድር ስለ ዝተዓወተሉ ኣብ 110 ዓመታት ታሪክ ሩር ዲ ፍራን ስ እቲ ዝነኣሰ ነዚ ውድድር ዝተዓወተሉ ተቐዳዳማይ ዝብል ክብሪ ኣውሂብዎ ይርከብ።

ምምጻእ በርናል ናብ ኮሎምብያ ምስቲ ጽንብል በመል 200 ዓመት ዓወት ኮሎምብያውኣን ኣብ ልዕሊ ስጳኛውያን ኣብ ኵናት ቦያካ ብምግጣሙ ፍሉይ ይገብሮ።

Image copyright Reuters

በርናል፡ "ክንድዚ ትኣኽሉ ህዝቢ ንዓይ ንምቕባል ብምትእኽኻብኩም ክርስዖ ዘይክእል እዩ" ክብል ንደገፍቱ መደረ ኣስሚዑ

"ከምዚ ኢልኩም ምስ ርኣኽኹም እዚ ዓወተይ ንኮሎምብያ እንታይ ትርጉም ከም ዘለዎ ክስወጠኒ ጀሚሩ"

Image copyright Reuters

በርናል ድሕሪ ውድድር ቱር ዲ ፍራንስ ምዝዛሙ ኣብ ሓጸርቲ ውድድራት ተጸሙዱ ብምጽንሑ'ዩ ናብ ኮሎምብያ ኣምሪሑ።

Image copyright EPA

እዚ ዕውት እቲ ውድድር ዝንኣሰ ዕውት እቲ ውድድርን ተባሂሉ ብጫን ጻዕዳን ማልያትተ ዝተሸለመ በርናል፡ እታ ጻዕዳ ማልይኡ ንክብሪ ኣሰልጣኒኡ ከምዘወፈያ ሓቢሩ።

Image copyright EPA
ናይ ምስሊ መግለጺ ዕዉት ቱር ዲ ፍራንስ 2019 ዝኾነ በርናል ምስ ኣሰልጣኒኡ ፋብዮ ሮድሪገዝ
Image copyright Reuters

በርናልድ ነታ ብጫ ማልይኡ'ውን ንፈደረሽን ቅድድም ብሽክለታ ኮሎምብያ ኣወፍእዋ ኣሎ።

Image copyright Reuters

"ንቱር ዲ ፍራንስ ክትዕወተሉ ምሕሳብ ሕልሚ እዩ፡ ሕልመይ'ዩ ነይሩ'ውን ፡ ኣን ከኣ ሕልመይ ክዉን ኮይኑለይ ኣሎ፡ ዳግማይ ከም ዝዕወተሉ ከኣ ርግጸኛ እየ" ይብል በርናል።

Image copyright AFP

ተመሳሳሊ ዛዕባታት

ተወሳኺ ዛንታ