ቺሊ፡ ብሰንኪ ሰልፍታት ተቓውሞ፡ ዓለም-ለኸ ዋዕላ 'ለውጢ ኣየር' ሰሪዛ

ፕረዚደንት ሰባስትያን ፐኒረ(ማእከል) Image copyright EPA

ቺሊ ብምኽንያት ኣብታ ሃገር ዝካየዱ ዘለዉ ናይ ተቓውሞ ሰልፊታት፡ ጉባኤ ክሊማዊ ለውጢ ሕቡራት ሃገራትን ኤፒክ ትሬድን ከምዘይተተኣናግድ ገሊጻ።

እቲ ኣጋጣሚ ከምዘሕዘኖ ዝገለጸ ፕረዚደንት ቺሊ ሰባስትያን ፒነራ፡ መንግስቱ ሕጊ ምኽባር ከምዘቕድም ገሊጹ።

ጉባኤ 'ለውጢ ኣየር' ኣብ ዝመጽእ ታሕሳስ ክካየድ መደብ ተታሒዝዎ ዝነበረ እንትኸውን፤ ጉባኤ ኤፒክ ትሬድ ድማ ኣብ ቀጻሊ ወርሒ ዝካየድ እዩ።

ውድብ ሕቡራት ሃገራት ብወገኑ፡ ካሊእ ኣማራጺ ይደሊ ከምዘሎ ሓቢሩ'ሎ።

ቺሊ ነዚ ውሳነ ዝወሰደት ብተሓላቒት ከባቢ ኣየር ግሬታ ተንበርግ ዝተጸወዐ ሰልፊ ተቓውሞ ሓዊሱ ይካየዱ ዘለዉ ሰልፊታት ተቓውሞ ስዒቡ እዩ።

Image copyright Reuters

እቲ ተቓውሞ ካብ ዝጅምር ክሳብ ሎሚ፡ እንተወሓደ 20 ሰባት ተቐቲሎምን ልዕሊ 7 ሽሕ ተኣሲሮምን እዮም።

መብዛሕተኦም ተቓውሞታት ብሰላማዊ ኣገባብ እናተኻየዱ ኮይኖም፤ ገሊኦም ግን ኣዕነውትን ጎንጺ ዝበዝሖምን እዮም።

ተወሳኺ ዛንታ