ኣብ ልዕሊ ኣብ ዒራቕ ዝርከብ ኤምባሲ ኣመሪካ መጥቃዕቲ ሮኬት ተፈጺሙ

ተቓወምቲ ዒራቕ Image copyright Reuters

ኣብ ዋና ከተማ ዒራቕ፡ ባቕዳድ፡ ኣብ ዝርከብ ኤምባሲ ኣመሪካ ብዝተፈጸመ መጥቃዕቲ ሮኬት ብውሑድ ሰለስተ ሰራሕተኛታት እቲ ኤምባሲ ቆሲሎም።

ናብቲ ኤምባሲ ሰለስተ ሮኬታት ዝተተኮሱ ኮይኖም፡ እቲ ሓደ ንካፍተሪያ እቲ ኤምባሲ ከምዝወቐዐን እቶም ክልተ ድማ ኣብ ቀረባ ርሕቐት ከምዝዓለቡን 'ኤኤፍፒ' ጸበጺቡ።

ከምዚ ዓይነት መጥቃዕቲ ኣብ ልዕሊ ሰራሕተኛታት ጉድኣት ክበጽሕ፡ ድሕሪ ነዊሕ ዓመታት ናይ መጀመርታ እዩ።

ነቲ መጥቃዕቲ ሓላፍነት ዝወሰደ ኣካል የለን፤ ኣመሪካ ግና ብኢራን ዝሕገዙ ሓይልታት ከምዝፈጸምዎ ትገልጽ።

ቀዳማይ ሚኒስተር ዒራቕ አደል ዓብዱል ማህዲ ብወገኑ ነቲ መጥቃዕቲ ብምኹናን፡ እቲ ተግባር ነታ ሃገር ናይ ኩናት ዓውዲ ዝገብር ከምዝኾነ ገሊጹ።

መንግስቲ ኣመሪካ፡ ዒራቕ ናይ ዲፕሎማሰኛታቱ ድሕነት ክትሕሉ ጸዊዑ።

ተመሳሳሊ ዛዕባታት

ተወሳኺ ዛንታ