ህወሓት

ኣብ ዘተ ውህደት ኢህወዴግ፡ ኣባላት ፈፀምቲ ስራሕ ህወሓት: ብዘይካ ጌታቸው ኣሰፋ ኩሎም ከምዝነበሩን ኣብ ሓደ ውድባዊ ኣቕዋም ፀኒዖም ከምዝወጽኡን ተገሊጹ።

መጽሔት ወይን፡ ሃገራዊ ምርጫ ምድንጓይ ንሕገ-መንግስቲ ዝጻረርን "ናብ ፍጹም ቅልውላዉ" ዘምርሕ'ዩ ክትብል ገሊጻ።

ዶ/ር ደብረጽዮን ገብረሚካኤል፡ ሎምዓልቲ ኣብ ሃገራዊን ክልላዊን ጉዳያት ከምኡ'ውን ምስ ኤርትራ ዝተዛመዱ ካብ ጋዜጠኛታት ንዝቐረብሎም ሕቶታት መልሲ ሂቦም።

ኣብቲ ሰላማዊ ሰልፊ ንምስታፍ ጭርሖ ተሰኪሞም ዝመፅኡ ተምሃሮ ዩኒቨርሲቲ ብምኽልካሎም ሓዚኖም።

"ኣብ ክልል ኣምሓራ፡ ህዝቢ ፀገም ኣይፈጠረን፤ ንኣብነት ዝሓለፈ ዓመት ነቶም ካብ ዩኒቨርሲቲ ወልድያ ዝተፈናቐሉ ተምሃሮ፡ ፍሉይ ሓይሊ ክልል ኣምሓራ ሓለዋ ክህብ ኣብ ዘይከኣልሉ፡ ህዝቢ ግን ወላ ኣብ ጓጓ ሓቝፍና ክነምህረኩም ኢና ዝብል ፅኑዕ መርገፂ ነይሩዎ"

ኣብ መቐለ ሰላማዊ ሰልፊ ንምክያድ ምምሕዳር ከተማ መቐለ 'ኣይተሓተትኩን ኣይከልከልኩን' ይብል፤ ስቪላዊ ማሕበር ሰብ ሕድሪ ድማ ቅድሚ ሰለስተ መዓልቲ ናብ ቤት ፅሕፈት ከንቲባ ደብዳበ ኣታዊ ከምዝገበረ ይገልፅ።

ቤት ፅሕፈት ቤት ምኽሪ ኢህወዴግ ኣማስዩ ኣብ ዘውፀኦ መግለፂ: ህወሓት ብዛዕባ ውህደት ኣመልኪቱ ደጋጊሙ ዘውፅኦ ዘሎ መግለፂ: ክእረም ከምዘለዎ ገሊጹ።

ተጋዳላይ ኣቦይ ስብሓት ነጋ፡ ሓደ ካብቶም ካብ ተራ ተዋጋኣይ ክሳብ መሪሕነት ህወሓት ብምዃን ዘገልገሉን ገዲም ተጋዳላይ እዮም። ቀዳማይ ሚኒስትር ኣብዪ ኣሕመድ ናብ ስልጣን ምስ መጽአ፡ 'ብኽብሪ' ተሰናቢቶም።

ኣምባሳደራት ሽደሽተ ሃገራት: ኣብ ትግራይ ዝካየድ ልምዓት ክሪኡ ሎሚ ረፋድ ናብ መቐለ ኣትዮም። ንክልተ መዓልቲ ዝጸንሕ ዑደት ከካይዱ እዮም ተባሂሉ።

ኣባል ፈጻሚት ስራሕ ህወሓት-ኢህወዴግ ኣይተ ጌታቸው ረዳ፡ እቲ ሕዚ ዕላዊ መግለጺ ዘይተውሃቦ፡ ዝሕሰብ ዘሎ ውህደት እቲ ገዛኢ ውድብ፡ ኣብ ናይ ሓሳብን ናይ ዓላማን ሓድነት ዝተመስረተ ዘይኮነስ፡ 'ውልቀ ቀሰባት ስልጣኖም ንምርዋይ' ተባሂሉ ዝግበር ስለዝኾነ፡ ህወሓት ከምዘይቕበሎ ኣፍሊጡ።