ደቂ ኣንስትዮ

ፕራሚላ ፓተን ትማሊ ኣብ ዘውጽኣቶ መግለጺ፡ ሰባት ኣባላት ስድራቤቶም ክጋሰሱ ብሓይሊ ይግደዱ ከምዘለዉን፡ ውታሃደራት ብጥቕሚ ኣገዲዶም ጾታዊ ርክብ ይፍጽሙ ኣለዉ ዝብል ክስታትን ከምዝበጽሓ ሓቢራ።

ጓል 22 ዓመት ኣማንዳ ጎርማን ካብ ሎስ ኣንጀለስ ኮይና ኣብ ታሪኽ ስነስርዓት ፕረዚደንታዊ ቃለ-መሓላ ኣሜሪካ ግጥሚ ዘቕረበት ብዕድመ ዝነኣሰት ገጣሞት ኮይና'ላ።

ኢትዮጵያዊት ዳኛ ኩዕሶ እግሪ ሊድያ ታፈሰ ውድድራት ኩዕሶ እግሪ ብሰንኪ ኮሮናቫይረስ ተቛሪጹ ኣብ ዝነበረሉ እዋን በቲ ካልአዋይ ናይ ፋርማሲ ሞያኣ ክትሰርሕ ጸኒሓ'ላ።

ኣብ ቀረጽ መሰረታውያን ፍርያት መሕለዊ ውልቀ ጽርየት ዝለዓለ ምምሕያሽ ከምዝተገበረ ሚንስትሪ ገንዘብ ኢትዮጵያ ኣፍሊጡ።

እዛ ብለበዳ ኮቪድ ዝጸልመተት ዓመተ 2020፡ መሰላት ደቀንስትዮ ዝተኸብረላ መበል 100 ዓመት ምዃና ክትዝክር ቀሊል ኣይኮነን።

ዶክተር ትምኒት ገብሩ፡ ምስ ብጸታ ኮይና ኣብ ዘዳለወቶ መጽናዕታዊ ጽሑፋት ኣመልኪታ ሕቶ ስለዘቐረበት ካብ ስራሕ ከምዝተሰጎገት እያ ትሕብር። ካብዚ ብተወሳኺ ንሳን ደገፍታን ኣብ ዓበይቲ ትካላት ዝርአ ዓሌታዊ ኣድልዎታት’ውን ካብ ስራሕ ኣብ ምስጓጓ ሓደ ድፍኢት ከምዝኾነ ይኣምኑ።

ብርግጽ ፊንላንድ ንደቂኣንስትዮ ናብ ፖለቲካዊ ተሳትፎን መሪሕነትን ክመጽኣ ዕድል ብምፍጣር ነዊሕ ታሪኽ ዘለዋ ሃገር’ያ። ኣብ 1906 ደቂኣንስትዮ መሰላት ምሃብ ድምጽን ተመራጽነትን ብምሃብ ብቐዳምነት ትስራዕ።

ፖላንዳውያን ደቀንስትዮ ነዚ ሕጂ ዝተኣታተወ ሕጊ ምንጻል ጥንሲ ብምቅዋም ኣብ መላእ እታ ሃገር ሰልፊ የካይዳ ኣለዋ።