ስደት

ኤጀንሲ ዶብ ኣልቦ ሓካይም ሰራሕተኛታቱ ኣዝዮም ኣብ ዝተጨናነቑ ኣብያተ ማእሰርቲ ደቂ ተባዕትዮ ደው ንክብሉ ክግደዱ ከም ዝርኣዩ ገሊጹ።

ካብ 16 ክሳብ 18 መስከረም ኣብ ዝነበረ እዋን ብዝሒ ካብ ሄይቲ ናብታ ከተማ ዝኣትዉ ስደተኛታት ብዝለዓለ መጠን ወሲኹ ዝነበረ ኮይኑ፤ ክሳብ ሎሚ ልዕሊ 12,000 ሰባት ከምዝተቐበለት መረዳእታታት የመልክቱ።

ኣብ ቴክሳስ ጥቓ ሩባ ሪዮ ግራንዴ ሓለውቲ ዶባት ኣመሪካ ኣብ ፈረስ ተወጢሖም ስደተኛታት ከጓይዩ ዘርእዩ ምስልታትን ቪድዮታትን ምስ ተዘርግሑ ኣብታ ሃገር ቁጥዐ ኣልዒሉ።

ቅድሚ ሰለስተ ኣዋርሕ ምጥፋእ እዘን ውልቀሰባት ኣመልኪቱ ፖሊስ ኬንያ ክፈልጥ ዝተገብረ ኮይኑ፡ እታ ብምስግጋር እዘን ስደተኛታት ዝተጠርጠረት ውልቀሰብ ኣብ ቀይዲ ውዒላ ናብ ቤት ፍርዲ ከም ዝቐረበትን ንምፍላጥ ተኻኢሉ ኣሎ። ኣብዚ ሕጂ እዋን እዞም ስድራቤት ዝኾነ ድሃይ ዝረኸበ እንተሎ ክሕብሮም ተማሕጺኖም።

ኣብ የመን ብሰንኪ ዘሎ ዘይምርግጋዕን ለበዳ ኮሮናቫይረስን፡ ኣስታት 5 ሽሕ ኢትዮጵያውያን ናብ ሃገሮም ንምምላስ ኣብ ትፅቢት ከምዝርከቡ ሪሊፍዌብ ፀብፂቡ።

ነተን ስደተኛታት ዝጸዓና ጀላቡ ናብ ማያዊ ኣካላት ፈረንሳ ክምለሳ ምግዳድ ብወገን ሰብልጣን ፈረንሳ ተቐባልነት ኣይረኸበን። ምኽንያቱ ድማ ሓደገኛ ስለዝኸውን ይብሉ።

ኣብ ሕቡራት ኢማራት ዓረብ ዝጸንሑ ብኣማኢት ዝቑጸሩ ኣፍሪቃውያን ሰራሕተኛታት ከም ዝተጋፍዑ፡ ናብ ኣብያተ ማእሰርቲ ከም እተደርበዩን ካብታ ሃገር ከም እተባረሩን፡ ተሓለቕቲ ሰብኣዊ መሰላት ሓቢሮም።

ኣብ ሓለዋ ገማግም ባሕሪ ጣልያን ዝተዋፈሩ ሰራሕተኛታት ንኣብ ናይ ዓሳ ጀልባ ተሳፊሮም ናብ ደሴት ላምፐዱስያ ዘቕንዑ ዝነበሩ 539 ስደተኛታት ኣድሒኖም። ገለ ካብቶም ካብ ሊብያ ተበጊሶም ብመገዲ ባሕሪ ሜድትራንያን ተጓዒዞም ዝኣተዉ ስደተኛታት ናይ ቁጥዐ ባህርያት ከምዝተርኣዮም ተሓቢሩ።