'شاہ رخ کے ساتھ رومانس نہ کرنے کا افسوس نہیں'

تصویر کے کاپی رائٹ AFP
Image caption عالیہ بھٹ فلم 'ڈیئر زندگی' میں شاہ رخ خان کے ساتھ اداکاری کر رہی ہیں

بالی وڈ میں رومانوی کرداروں کے لیے معروف کنگ خان کے نام سے معروف شاہ رخ کے ساتھ کام کر نے کے باوجود رومانس کا موقع نہ ملے تو کسی کو بھی افسوس ہوگا لیکن اداکارہ عالیہ بھٹ کو اس پر کوئی افسوس نہیں ہے۔

عالیہ بھٹ فلم 'ڈیئر زندگی' میں شاہ رخ خان کے ساتھ اداکاری کر رہی ہیں۔

عالیہ کہتی ہیں: 'اس فلم میں رومانس کا کوئی موقع نہیں تھا اور عمر میں فاصلے کی وجہ سے ٹپكل محبت کی کہانی بھی نہیں بن سکتی تھی۔ لیکن آگے موقع ملا تو میں شاہ رخ کے ساتھ رومانوی کردار ضرور کرنا چاہوں گی۔'

تصویر کے کاپی رائٹ CRISPY BOLLYWOOD
Image caption گوری شندے کی ہدایتکاری میں بننے والی فلم 'ڈیئر زندگی' میں شاہ رخ خان نے عالیہ بھٹ کے لائف کوچ کا کردار کیا ہے۔

گوری شندے کی ہدایتکاری میں بننے والی فلم 'ڈیئر زندگی' میں شاہ رخ خان نے عالیہ بھٹ کے لائف کوچ کا کردار کیا ہے۔

ذاتی طور پر شاہ رخ کی زندگی سے متاثر عالیہ کہتی ہیں کہ 'شاہ رخ خان اور میرے سوچنے سمجھنے کا طریقہ بالکل ایک ہی جیسا ہے۔ انھیں فلم انڈسٹری میں 25 سال ہو گئے ہیں، لیکن آج بھی وہ شاہ رخ خان ہونے کا بوجھ نہیں اٹھاتے۔ اپنی حد سے باہر جاکر وہ اپنے ساتھی فنکار کو کمفرٹ فراہم دیتے ہیں۔ ان کا یہی سلوک انھیں سپر سٹار بنا دیتا ہے۔'

شاہ رخ خان سے ہونے والی اپنی پہلی ملاقات کا ذکر کرتے ہوئے عالیہ بتاتی ہیں: 'تقریباً 11-12 برس کی عمر میں اپنے والد مہیش بھٹ کے کچھ قریبی دوستوں کے ساتھ شاہ رخ کے گھر گئی تھی۔ وہاں سینڈوچ کھاتے کھاتے جب شاہ رخ پر نظڑ پڑی تو بس دیکھتی ہی رہ گئی۔'

مہیش بھٹ عالیہ بھٹ کو اپنی بڑی بیٹی پوجا بھٹ سے بہتر اداکارہ بتا تے ہیں۔

تصویر کے کاپی رائٹ PARULL GOSSAIN PR
Image caption بالی وڈ کے معروف فلم ساز مہیش بھٹ اپنی چھوٹی بیٹی عالیہ بھٹ کو اپنی بڑی بیٹی پوجا بھٹ سے بہتر اداکارہ بتا تے ہیں

اس بارے میں ایک سوال کے جواب میں کہتی ہیں: 'میں پوجا سے بہتر اداکارہ ہو سکتی ہوں، لیکن ان جیسی خوبیاں مجھ میں نہیں ہیں۔ وہ بڑی فنکار ہیں، فلمساز اور ڈائریکٹر بھی ہیں، جو میں کبھی بھی نہیں بن پاوںگی۔ وہ مجھ سے دس گنا بہتر ہیں۔'

عالیہ کے مطابق وہ مستقبل میں پروڈیسر ضرور بننا چاہیں گی۔

گوری شندے کی ہدایت کاری میں بننے والی فلم 'ڈیئر زندگی' 25 نومبر کو ریلیز ہو رہی ہے۔

متعلقہ عنوانات

اسی بارے میں