برطانوی فلمی ایوارڈ بیفٹا تصاویر میں

گولڈن گلوب کی طرح اس ایوارڈ تقریب میں بھی لالا لینڈ کی دھوم رہی۔ ایما سٹون کو بہترین اداکارہ کے ایوارڈ سے نوازا گیا۔

ایما سٹون اور ایمی ایڈمز (بیچ میں) کو بہترین اداکارہ کے زمرے میں نامزدگی ملی تھی۔ یہاں انھیں ریڈ کارپٹ پر سٹاروارز کی برطانوی اداکارہ فلیسیٹی جونز کے ساتھ دیکھا جا سکتا ہے۔

بہترین اداکارہ کے لیے ایمیلی بلنٹ (بائیں) کو فلم 'دا گرل آن اے ٹرین' میں ان کی اداکاری کے لیے نامزد کیا گيا تھا جبکہ میرل سٹرپ کو بھی اسی زمرے میں نامزدگی ملی تھی۔ ان کے ساتھ اینڈریو گارفیلڈ کو بھی دیکھا جا سکتا ہے جنھیں بیسٹ ایکٹر کے زمرے میں نامزدگی ملی تھی۔

کیمبرج کے دیوک اور ڈچز کو ریڈ کارپٹ پر دیکھا جا سکتا ہے۔

فلم مون لائٹ میں اداکاری کے لیے ہیرس کو بہترین معاون اداکارہ کے زمرے میں نامزدگی ملی تھی۔

70ویں بیفٹا ایوارڈز کی میزبانی کی ذمہ داری سٹیفن فرائی نے ادا کی۔

ڈینیئل چیزیلے کو فلم لا لا لینڈ کے لیے بہترین ہدایت کار کے ایوارڈ سے نوازا گیا۔

نکول کڈمین کو فلم لائن میں بہترین معاون اداکارہ کے اعزاز کے لیے نامزد کیا گیا تھا۔

سٹون کے بارے میں یہ امید ظاہر کی جا رہی ہے کہ وہ آسکر بھی جیت لیں گی۔ انھوں نے کہا کہ انھیں عجیب سا احساس ہو رہا ہے۔

بہترین برطانوی فلم کا ایوارڈ کین لوچ کی فلم کو دیا گیا۔

برطانوی اداکار دیو پٹیل کو بہترین معاون اداکار کے اعزاز سے نوازا گیا۔

امریکی سٹار وائولا ڈیوس کو فلم فینس میں اداکاری کے لیے بہترین معاون اداکارہ کے ایوارڈ سے نوازا گیا۔

فلم مانچسٹر بائی سی میں اداکاری کے لیے کیسے ایفلک کو بہترین اداکار کے ایوارڈ سے نوازا گیا اور اس فلم کو بہترین سکرین پلے کا ایوارڈ بھی دیا گیا۔

شہزادہ ولیمز نے فلم ساز، اداکار اور کامیڈین میل بروکس کو بیفٹا فیلوشپ ایوارڈ پیش کیا جسے انھوں نے اپنی زندگی کا 'واحد عظیم اعزاز' قرار دیا۔