آسکرز ایوارڈ 2017: تصاویر میں

بیری جینکنز
،تصویر کا کیپشن

اتوار کی شب آسکرز کی تقریب کے دوران اس وقت دلچسپ صوررتحال پیدا ہوئی جب بہترین فلم کے ایوارڈ کے لیے جیتنے والی فلم مون لائٹ کے نام کی جگہ لا لا لینڈ کے نام کا اعلان کر دیا گیا۔

،تصویر کا کیپشن

اس غلط فہمی کی وجہ ایوارڈ کا اعلان کرنے والے وارن بیٹی کو دیا جانے والا غلط لفافہ تھا۔

،تصویر کا کیپشن

چند منٹ کی غلط فہمی کے بعد لا لا لینڈ کے پروڈیوسر نے مائیک پر آ کر اعلان کیا کہ ایوارڈ کی فاتح فلم دراصل مون لائٹ ہی ہے

،تصویر کا کیپشن

بہترین اداکار کا انعام کیسی ایفلیک نے 'مانچسٹر بائی دا سی' میں اداکاری پر حاصل کیا۔ اس ایوارڈ کے لیے ان کا مقابلہ ڈینزل واشنگٹن جیسے منجھے ہوئے اداکار سے تھا

،تصویر کا کیپشن

لا لا لینڈ کو مجموعی طور پر چھ ایوارڈ ملے جن میں ایما سٹون کا بہترین اداکارہ کا ایوارڈ بھی ہے۔ یہ سٹون کا پہلا آسکر ہے۔ وہ اس سے قبل 2015 میں فلم برڈ مین کے لیے بھی نامزد ہوئی تھیں۔

،تصویر کا کیپشن

مہرشالا علی نے فلم مون لائٹ کے لیے بہترین معاون اداکار کا ایوارڈ اپنے نام کیا۔ وہ 2014 کے بعد سے یہ انعام جیتنے والے پہلے سیاہ فام اداکار بنے۔

،تصویر کا کیپشن

بہترین معاون اداکارہ کا انعام سیاہ فام اداکارہ وایولا ڈیوس نے جیتا۔ انھوں نے 'فینسز` میں روز نامی کردار کے روپ میں اداکاری کے جوہر دکھائے تھے۔

،تصویر کا کیپشن

89ویں آسکرز ایوارڈز کی تقریب لاس اینجلس کے ڈولبی تھیٹر میں منعقد ہوئی

،تصویر کا کیپشن

گلوکار جسٹن ٹمبرلیک نے تقریب کے آغاز میں آسکر کے لیے نامزد نغمہ ’کانٹ سٹاپ دا فیلنگ‘ گایا۔

،تصویر کا کیپشن

الیہاندرو برتولازی، جیورجیو گریگورینی اور کرسٹوفر نیلسن کو فلم سوئسائیڈ سکواڈ کے لیے بہترین میک اپ کا ایوارڈ دیا گیا۔

،تصویر کا کیپشن

کولین ایٹوڈ نے اپنا چوتھا آسکر ایوارڈ ’فینٹاسٹک بیسٹس اینڈ ویئر ٹو فائنڈ دیم‘ کے لیے حاصل کیا۔ اس سے قبل وہ کاسٹیوم ڈیزائن کے لیے 2011 میں ایلس ان ونڈر لینڈ، 2006 میں میموائرز آف گیشا اور 2003 میں شکاگو کے لیے یہ اعزاز جیت چکی ہیں۔

،تصویر کا کیپشن

تقریب کے شرکا کے لیے مٹھائیوں کے چھوٹے چھوٹے پیکٹ گرائے گئے

،تصویر کا کیپشن

بہترین دستاویزی فیچر فلم کا ایوارڈ او جے: میڈ ان امریکہ کو ملا جسے وصول کرنے کے لیے پروڈیوسر کیرولین واٹرلو اور ہدایتکار ایزرا ایڈلمین سٹیج پر آئے

،تصویر کا کیپشن

کیون او کونل کو ہیک سا رج کے لیے بہترین ساؤنڈ مکسنگ کا ایوارڈ دیا گیا۔ اس سے قبل وہ 21 مرتبہ آسکرز کے لیے نامزد ہوئے تھے تاہم یہ ان کا پہلا ایوارڈ ہے۔

،تصویر کا کیپشن

میزبان جمی کمیل نے تقریب کے دوران فلم لائن کے اداکار سنی پوار کو گود میں اٹھا لیا

،تصویر کا کیپشن

بہترین اینیمیٹڈ فیچر فلم کا ایوارڈ زوٹوپیا کے حصے میں آیا

،تصویر کا کیپشن

فلم بیک ٹو فیوچر کو یاد کرنے کے لیے مائیکل جے فوکس اور سیتھ روگن اس فلم کی مشہور کار ڈیلوریئن میں بیٹھ کر سٹیج پر آئے

،تصویر کا کیپشن

بہترین مختصر دستاویزی فلم کا ایوارڈ وائٹ ہیلمٹس کو دیا گیا۔ یہ فلم شام میں فضائی حملوں کے بعد امدادی کارروائیاں کرنے والے افراد کے بارے میں ہے۔

،تصویر کا کیپشن

ہر سال کی طرح اس بار بھی گذشتہ برس کے دوران انتقال کر جانے والے اداکاروں، ہدایتکاروں اور پروڈیوسرز کے نام تقریب کے دوران سکرین پر دکھائے گئے