ٹن ٹن کا خاکہ پانچ لاکھ ڈالر میں فروخت

تصویر کے کاپی رائٹ EPA

بچوں کے مشہور زمانہ کارٹون ٹن ٹن اور اس کے پالتو کتے سنوئی کا نادر انڈیا انک سے بنایا گیا خاکہ فرانس کے شہر پیرس میں ہونے والی نیلامی میں پانچ لاکھ ڈالر کے عوض بیچ دیا گیا۔

یہ خاکہ 1939 میں شائع کیے گئے کامک البم 'کنگ آٹوکار سیپٹر' میں سے تھا اور یہ بیلجیئن آرٹسٹ ہرجے کی ملکیت تھا جو ٹن ٹن کارٹون کے خالق ہیں۔

ہٹلر کے فون کی امریکہ میں نیلامی ہو گی

علی کا منڈیلا کو خط 7000 پاؤنڈ میں نیلام

ٹن ٹن کی ایک اور کتاب 'دی شوٹنگ سٹار' میں سے بنائے گئے خاکے بھی نیلامی میں شامل تھے جنھیں ساڑھے تین لاکھ ڈالر کے عوض بیچ دیاگیا تھا۔

لیکن ٹن ٹن کارٹون پر مبنی دوسری کتاب 'ڈسٹینیشن مون' کا کوئی خریدار نہیں ملا۔ اس کتاب پر امریکی خلا بازوں نے دستخط کیے ہوئے تھے۔

اس نیلام میں ہرجے کی بنائی ہوئی دوسری اشیا بشمول کتابیں اور خاکے بھی شامل ہیں۔

واضح رہے کہ ٹن ٹن دنیا کے معروف ترین کارٹون کرداروں میں سے ایک ہے اور ان پر مبنی کارٹونز کتابوں کا دنیا کی 90 زبانوں میں ترجمہ کیے جا چکا ہے اور یہ 20 کروڑ سے زیادہ فروخت ہو چکی ہیں۔

گذشتہ سال پیرس میں ہی ہونے والی نیلامی میں ٹن ٹن کی کتاب ایکس پلوررز آن دا مون میں شامل خاکے 16 لاکھ ڈالر سے زائد قیمت میں بیچے گئے تھے۔

اس کے علاوہ ہانگ کانگ میں ہونے والی ایک نیلامی میں ٹن ٹن کی کتاب دی بلیو لوٹس میں سے ایک نادر خاکہ 12 لاکھ ڈالر کے عوض بیچا گیا۔

متعلقہ عنوانات

اسی بارے میں