انوشکا کے دیوروں کے ساتھ ڈانس پر دھوم

انوشکا شرما اور وراٹ کوہلی تصویر کے کاپی رائٹ Getty Images
Image caption انوشکا اور وراٹ کا ممبئی میں ریسیپشن چھبیس دسمبر کو ہونے والا ہے۔

انوشکا شرما اور وراٹ کوہلی کے دلی میں ہونے والے ریسیپشن کے چند ویڈیوز سوشل میڈیا پر خوب شیئر کیے جا رہے ہیں۔

ان ویڈیوز میں سے کچھ میں انوشکا کو انڈین کرکٹر شکھر دھون کے ساتھ ڈانس کرتے بھی دیکھا جا سکتا ہے۔ بیک گر میں فلم 'جب وی میٹ' کا گانا موجاں ہی موجاں بج رہا ہے۔

یہ بھی دیکھیے

انوشکا کی سرخ ساڑھی اور وراٹ کی پشمینہ شال

وراٹ کوہلی اور انوشکا شرما کی شادی، تصویروں میں

شکھر دھون نے ریسیپشن کی ایک تصویر انسٹاگرام پر شیئر کرتے ہوئے لکھا ہے کہ 'ستارے آج آسمان سے زمین پر اتر آئے، واہ کیا بات ہے۔'

ایک ویڈیو ایسا بھی ہے جس میں وراٹ کوہلی شکھر دھون کے بیٹے بختیار کو گود میں لے کر ڈانس کر رہے ہیں۔

جس طرح انڈیا میں عام شادیوں میں لوگ منہ میں نوٹ دبا کر ناچتے ہیں ویسے ہی انداز میں انوشکا بھی ان ویڈیوز میں ڈانس کرتی دکھائی دے رہی ہیں۔

انڈین کرکٹر وراٹ کوہلی اور بالی وڈ اداکارہ انوشکا شرما کی شادی، ہنی مون اور ریسیپشن کی تصاویر اور ویڈیوز سوشل میڈیا پر خوب شیئر کیے گئے ہیں۔ اب ان کا ممبئی میں ریسیپشن 26 دسمبر کو ہوگا۔

متعلقہ عنوانات

اسی بارے میں