کم کارڈیشیئن کی اپنی بیٹی شکاگو کے ساتھ پہلی سیلفی

کم تصویر کے کاپی رائٹ Getty Images

امریکی اداکارہ اور ماڈل کم کارڈیشیئن ویسٹ نے اپنی نوزائیدہ بیٹی کے ساتھ اپنی پہلی سیلفی شیئر کی ہے۔

انھوں نے اپنی اور بیٹی شکاگو کے ساتھ ریچھ کے تھیم والے فلٹر کے ساتھ یہ تصویر شیئر کی۔

شکاگو کم کارڈیشیئن اور کانیے ویسٹ کی تیسری اولاد ہیں جو 15 جنوری کو سروگیٹ ماں کے ذریعے پیدا ہوئی تھیں۔

شکاگو ویسٹ کو کائیلی جینر کی بیٹی سٹرومی ویبسٹر کی پیدائش کے اعلان والی ویڈیو میں بھی دیکھا گیا تھا جو چند ہفتے بعد پیدا ہوئی تھیں۔

نو گھنٹوں میں تقریباً ساٹھ لاکھ افراد نے کم کارڈیشیئن کی تصویر کو پسند کیا ہے۔

37 سالہ کم کارڈشیئن نے سروگیٹ کے ذریعے بیٹی کی پیدائش کے بارے میں کہا تھا کہ بیٹی کو خود پیدا نہ کرنا ’بہت مشکل‘ تھا، لیکن ان کے اور ان کے شوہر کا شکاگو کے ساتھ گہرا تعلق موجود ہے۔

جنوری میں انھوں نے اپنی ویب سائٹ پر لکھا تھا کہ ’کانیے اور مجھے اپنی صحت مند اور خوبصورت بچی کی آمد کا اعلان کرتے ہوئے خوشی ہے۔‘

’ہم اپنے سروگیٹ کے انتہائی شکر گزار ہیں جنھوں نے اس خوبصورت تحفے کے ذریعے ہمارے خوابوں کو حقیقت میں بدلا اور حیرت انگیز ڈاکٹروں اور نرسوں کے شکر گزار ہیں جنھوں نے خاص خیال رکھا۔‘

’نارتھ اور سینٹ بہن کو خوش آمدید کہنے کے لیے پرجوش ہیں۔‘

کم کارڈیشیئن نے اپنی چار سالہ بیٹی نارتھ اور دو سالہ بیٹے سینٹ کو خود جنم دیا تھا۔

تاہم ڈاکٹروں نے طبی پیچیدگیوں کے باعث کم کو دوبارہ حاملہ ہونے سے اجتناب برتنے کا مشورہ دیا تھا۔

گذشتہ دنوں جب ٹوئٹر پر ایک مداح نے ان سے شکاگو کے بارے میں پوچھا تو انھوں نے اس کا جواب کچھ یوں دیا۔

اور اس بات کی بھی تصدیق کی کہ گیم شو ’فیملی فیوڈ‘ کے اگلی قسط میں کرڈشیئن جینر خاندان ویسٹ خاندان کا سامنا کرے گا۔

متعلقہ عنوانات

اسی بارے میں