بالی وڈ اداکار عرفان خان نیورونڈوکرائن ٹیومر کا شکار

Indian actor Irrfan Khan speaks to the media next to his son Aayan at the Mahatma Gandhi Ashram in Ahmedabad on June 19, 2016, on Father's Day. تصویر کے کاپی رائٹ Getty Images
Image caption عرفان خان نے آسکر ایوارڈ یافتہ فلم ’سلم ڈاگ ملینیئر‘ میں بھی کام کیا

سلم ڈاگ ملینیئر اور دی ایمزنگ سپائڈرمین جیسی ہالی وڈ فلموں اور بالی وڈ کی 100 سے زائد فلموں میں کام کرنے والے اداکار عرفان خان نیورونڈوکرائن ٹیومر کا شکار ہو گئے ہیں۔

اس بات کا انکشاف انھوں نے خود ٹوئٹر پر کیا۔

اسی بارے میں

بالی وڈ کے اداکار عرفان خان کو کیا ہوا؟

’کبھی پاکستان تو کبھی ایران سے ہیروئن تلاش کرنی پڑتی ہے‘

’سیکس کے بدلے کام کی پیشکش ہوئی تھی‘

یہ کمیاب بیماری انسانی جسم میں ان خلیوں کو متاثر کرتی ہے جو خون کے بہاؤ میں ہارمونز خارج کرتے ہیں۔

عرفان خان نے اپنی بیماری سے متعلق زیادہ تفصیل فراہم نہیں کی۔

اس سے پہلے انھوں نے چھ مارچ کو ٹویٹ کیا تھا کہ انہیں ایک نایاب بیماری لاحق ہو گئی ہے تاہم اس وقت انھوں نے اس سے زیادہ کچھ نہیں بتایا تھا۔

51 سالہ عرفان خان نے بالی وڈ اور ہالی وڈ سمیت 100 سے زائد فملوں میں کام کیا ہے۔ جن میں پیکو، مقبول، حاصل اور پن سنگ تومر ہٹ ہوئیں۔

ان کی ہالی وڈ فلموں میں لائف آف پائی، جراسک ورلڈ، سلم ڈاگ ملینیئر اور دی ایمزنگ سپائلڈر مین شامل ہیں۔

جمعے کو انھوں نے اپنی بیماری کی تفصیلات بتائیں۔

اس سے پہلے ان کی اہلیہ ستاپا سکدر نے 10 مارچ کو فیس بک پر لکھا تھا ’میری بہترین دوست اور ساتھی ’ایک جنگجو‘ اپنے راستے میں آنے والی اس رکاوٹ سے بہت وقار اور خوبصورتی سے لڑ رہے ہیں۔‘

طبی ماہرین کے مطابق نیورونڈوکرائن ٹیومر جسم کے کسی بھی حصے میں بن سکتا ہے اور یہ کینسر زردہ بھی ہوسکتا ہے اور کیسنر کے بغیر بھی۔

بعض ٹیومر بڑے پیمانے پر ہارمونز کے خون کے بہاؤ میں اخراج کا باعث بنتے ہیں اور ان کی وجہ سے دل کا عارضہ ہو سکتا ہے اور خون کے دباؤ میں فرق پڑتا ہے۔

بعض نیورونڈوکرائن ٹیومرز کا علاج آپریشن یا کیموتھراپی سے ممکن ہے۔

تصویر کے کاپی رائٹ AFP

عرفان خان نے سنہ 2013 میں قومی فلم ایوارڈ حاصل کیا۔

انھوں نے سنہ 2013 میں ہی کانز فلم فیسٹیول کے دوران اپنی فلم ’لنچ باکس‘ کے لیے عوامی پسندیدگی کا ایوارڈ بھی حاصل کیا۔

یہ وہ واحد انڈین فلم تھی جسے اُس برس لندن فلم فیسٹیول کے مقابلے کے لیے بھی چنا گیا تھا۔

متعلقہ عنوانات

اسی بارے میں