بالی وڈ راؤنڈ اپ: 'سونم کی شادی اور قطرینہ کی بہن کا ڈیبیو'

ایزابیل تصویر کے کاپی رائٹ Instagram/isakaif

بالی وڈ اداکارہ قطرینہ کیف کافی عرصے سے اپنی چھوٹی بہن ایزابیل کے لانچ کی کوششوں میں تھیں۔

کئی مرتبہ اس طرح کی خبریں بھی سامنے آئیں کہ وہ خود ہی اپنی بہن کو لانچ کرنے والی ہیں لیکن تازہ خبر یہ ہے کہ اب ایزابیل سورج پنچولی کے ساتھ ٹی سیریز کے بھوشن کمار کی پروڈکشن میں کام کریں گی اور ریمو ڈیسوزا اس فلم کے ہدایت کار ہوں گے۔

اب فلم کے ہدایت کار ریمو ہوں تو فلم میں ڈانس تو ہوگا ہی۔ دراصل اس فلم میں سالسا، زمبا، اور بچاتا ڈانس فارم ہوں گے۔

کیا عالیہ اور رنبیر صرف دوست ہیں؟

'کیا جنسی مناظر بالی وڈ میں کامیابی کی ضمانت ہیں؟'

’سیکس کے بدلے کام لینے والا بھی برابر کا قصور وار ہے‘

سورج پنچولی نے ایک روزنامے سے بات کرتے ہوئے کہا کہ وہ اور ایزا بیل اس فلم کے لیے دس دس گھنٹے پریکٹس کر رہے ہیں۔ آخر کار ایزا بیل کو اپنی پہلی اور سورج پنچولی کو آپنی دوسری فلم مل ہی گئی۔

تصویر کے کاپی رائٹ Getty Images

'رستم'، 'مبارکاں'، 'بادشاہو' اور 'ریڈ' جیسی فلموں میں بالی وڈ کے بڑے ستاروں کے ساتھ کام کرنے والی اداکارہ الیانہ ڈی کروز کہتی ہیں کہ وہ نہیں چاہتیں کہ ان کی ذاتی زندگی کسی گوسپ کالم کا حصہ بنے۔

مشہور آسٹریلین فوٹو گرافر اینڈریو نی بون اِلیانہ کے بوائے فرینڈ ہیں یا شوہر یہ ابھی واضح نہیں ہے کیونکہ کبھی الیانہ انھیں اپنا دوست کہتی ہیں تو انسٹا گرام کی کئی پوسٹ میں وہ انھیں 'ہبی' یعنی شوہر کہہ چکی ہیں۔

بحر حال اپنی ذاتی زندگی کے اہم پہلوؤں پر کنفیوژن پیدا کرنے والی الیانہ کہتی ہیں کہ کسی گوسپ کالم کی زینت بننے کی بات بھی انھیں خوفزدہ کر دیتی ہے اور یہ کسی بھیانک خواب کی مانند ہے۔

الیانہ جی اگر ایسا ہے تو پھر اپنے مداحوں اور میڈیا کو گمراہ کرنا بند کریں ورنہ اس طرح کے خواب آپ کا معمول بن سکتے ہیں۔

تصویر کے کاپی رائٹ Getty Images

اداکارہ سونم کپور جو اپنی اداکاری کے علاوہ اپنے فیشن سینس اور منھ پھٹ ہونے کے سبب خبروں میں رہتی ہیں آج کل فلموں کی وجہ سے کم اور اپنے دوست آنند آہوجہ کی وجہ سے زیادہ مشہور ہو رہی ہیں۔

تقریباً ہر ہفتے ان کی منگنی یا شادی کی افواہ میڈیا یا سوشل میڈیا کی زینت بنتی ہے۔ حالانکہ سونم کئی بار میڈیا کے سامنے واضح کر چکی ہیں کہ وہ اپنی ذاتی زندگی پر بات نہیں کرنا چاہتیں پھر بھی میڈیا ان کی شادی کے حوالے سے قیاص آرئیاں کرنے سے بعض نہیں آتا۔

اتنا ہی نہیں سونم کہاں اور کب شادی کرنے والی ہیں۔ ان کی شادی کے جوڑے کون بنا رہا ہے کیٹرِنگ کون کرے گا؟ یہ تمام دعوے میڈیا میں اتنے وثوق سے کیے جاتے ہیں کہ جیسے خود سونم یا ان کے گھر والوں نے یہ تمام تفصیلات انہیں دی ہیں۔

یہ درست ہے کہ شوبز کی رپورٹنگ کرنے والوں کے لیے کبھی کبھی دلچسپ اور چٹ پٹی خبروں کی کمی ہو جاتی ہے لیکن اس کا مطلب یہ تو نہیں کہ ہم خواہش کو ہی خبر بنا دیں۔

متعلقہ عنوانات

اسی بارے میں