کائیلی جینر 20 سال کی عمر میں کروڑ پتی کیسے ہو گئیں؟

Kylie Jenner

،تصویر کا ذریعہGetty Images

،تصویر کا کیپشن

20 سالہ کائیلی جینر کے بارے میں توقع ہے کہ وہ جلد ہی ارب پتی بن جائیں گی

اگر آپ نے کائلی جینر کے بارے میں نہیں سنا تو قوی امکان ہے کہ آپ ملینیئل نہیں ہیں۔

وہ کارڈیشیئن۔جینر فیملی کی نوجوان ترین وارث ہیں، ریئیلٹی ٹی وی سٹار ہیں، سوشل میڈئا سلیبریٹی ہیں، اور بزنس ویمن ہیں۔

تاہم حال ہی میں انٹرنیٹ پر وہ اپنے پورے خاندان سے زیادہ اہم ہو گئی ہیں۔

'کیپنگ اپ وڈ کاڈیشیئنز'

،تصویر کا ذریعہGetty Images

،تصویر کا کیپشن

کائیلی جینر

بزنس میگزین فوربز نے اس ماہ اعلان کیا ہے کہ کیپنگ اپ وڈ کارڈیشیئنز کی سٹار کائیلی جینر کی 20 سال کی عمر میں کل دولت 90 کروڑ ڈالر ہے۔

میگزین کا کہنا ہے کہ وہ جلد ہی دنیا کی کم عمر ترین از خود بننے والی ارب پتی نوجوان ہوں گی۔

کارڈیشیئن فیملی کی نوجوان ترین رکن کائیلی نے تین سال پہلے میک اپ کا سامان فروخت کرنا شروع کیا تھا۔

اس بارے میں مزید پڑھیے

ان کے مقابلے میں ان کی زیادہ مشہور بہن کم کارڈیشیئن ویسٹ نے اگرچہ اپنا کریئر دس سال پہلے شروع کیا تھا ان کی کل دولت 35 کروڑ ڈالر ہے۔

لیکن کائیلی اتنی جلدی اتنی امیرکیسے ہو گئیں؟

میک اپ کا سامان

،تصویر کا ذریعہGetty Images

،تصویر کا کیپشن

کائیلی جینر کو سوشل میڈیا پر 16 کروڑ لوگ فالو کرتے ہیں

2015 میں انھوں نے اعتراف کیا کہ انھوں نے اپنے ہونٹوں کی سرجری کروائی تھی کیونکہ وہ اپنے قدرتی ہونٹوں سے ناخوش تھیں۔ اس کے بعد انھوں نے میک کا سامان بنانے کی اپنی کمپنی شروع کی اور اس کا نام رکھا کائیلی کاسمیٹکس۔

،تصویر کا ذریعہGetty Images

،تصویر کا کیپشن

کائیلی کی بہن کم کارڈیشیئن ان کے مقابلے پر کم امیر ہیں

روایتی کمپنیوں کے برعکس ان کی مصنوعات صرف آن لائن فروخت کی جاتی ہیں۔

تاہم وہ اس قدر مقبول ہیں کہ فوری طور پر بک جاتی ہیں۔ وہ سوشل میڈیا کا استعمال انتہائی ماہرانہ انداز میں کرتی ہیں۔ انسٹاگرام پر ان کے 11 کروڑ سے زیادہ فالور ہیں اور ان میں سے زیادہ تر کی عمریں 18 سے 34 سال کے درمیان ہیں۔

،تصویر کا ذریعہGetty Images

ان کے اخراجات بہت کم ہیں۔

فوربز نے کائیلی کی کمپنی کے بارے میں بتایا کہ ان کے اوور ہیڈ اخراجات انتہائی کم ہیں۔ انھوں نے صرف 12 ملازم رکھے ہوئے ہیں جن میں سے صرف سات کل وقتی ہیں۔ دیگر تمام آپریشنز آؤٹ سورس کیے گئے ہیں۔

ان کی زیادہ تر اشتہاری مہمات سوشل میڈیا کے ذریعے مفت چلائی جاتی ہیں۔

ان کی والدہ اور مینیجر، کرس جینر نے اپنے سارے بچوں کے پیسوں کے معاملات خود سنبھالے ہوئے ہیں اور انھوں نے اس خاندان کو ارب پتی بنا دیا ہے۔ اس سب کے بدلے انھیں دس فیصد حصہ دیا جاتا ہے۔ جب کائیلی نے ہونٹوں کی کٹ متعارف کروائی اور ہو فوراً ہی بک گئیں ان کی والدہ کو بزنس کا موقع نظر آیا۔

انھوں نے شاپیفائی کے پلیٹ فارم سے بڑے پیمانے پر کائیلی کاسمیٹکس متعارف کروا دی۔

ان کی اشیا کی مینیوفیکچرنگ، پیکنگ، اور شپنگ سب ایک اور کمپنی کرتی ہے اور منافع کا حصہ لیتی ہے مگر اس کی وجہ سے کائیلی کو وقت ملتا ہے کہ وہ نئی مصنوعات متعارف کروائیں۔

کائیلی تو پیدا ہی امیر ہوئی تھیں

،تصویر کا ذریعہInstagram

جب فوربز نے کہا کہ کائیلی نوجوان ترین خود ارب پتی بنے والی ہیں تو انٹرنیٹ پر اس کا بہت مذاق اڑایا گیا۔ لوگوں کا کہنا ہے کہ انھوں نے خود تو یہ دولت نہیں کمائی۔

ان کی فیملی پہلے ہی دس سال سے پوپ کلچر کا حصہ ہے۔ ان کے خاندان کے پہلے ہی بہت سارے بزنس ہیں جو کہ انھیں انڈورسمنٹس دیتے ہیں۔

لوگوں کا کہنا ہے کہ انھیں سیلف میڈ یا خود کمانے والی ارب پتی نہیں کہا جا سکتا کیونکہ ان کے خاندان نے انھیں دس سال کی عمر سے ہی ریئیلٹی ٹی وی میں متعارف کروا دیا تھا۔