امریکہ میں مِس امریکہ مقابلہ: 24 سالہ بائیو کیمسٹ کمیل شریئر مِس امریکہ منتخب

مس ورلڈ تصویر کے کاپی رائٹ Getty Images

امریکہ کی ریاست ورجینیا سے تعلق رکھنے والی 24 سالہ کمیل شریئر مِس امریکہ 2020 منتخب ہو گئی ہیں۔

کمیل شریئر پیشے کے اعتبار سے بائیو کیمسٹ ہیں اور جمعرات کو مِس امریکہ کے روایتی مقابلے کو انھوں نے سٹیج پر ایک سائنسی تجربہ کر کے دلچسپ بنا دیا۔

مس ورلڈ تصویر کے کاپی رائٹ Getty Images

انھوں نے یہ ٹائٹل مِس امریکہ کا تاج سر پر سجانے کی خواہش مند 50 حسیناؤں کو شکست دے کر جیتا ہے۔

24 سالہ کمیل نے ججوں کو متاثر کرنے کے لیے ٹیلنٹ شو میں لیب کوٹ پہن کر کیمسٹری کا ایک تجربہ بھی کیا۔

مس ورلڈ تصویر کے کاپی رائٹ Getty Images

یہ مقابلے جیتنے کے بعد انھیں 50 ہزار امریکی ڈالر کی سکالرشپ ملی ہے۔

ان کا کہنا ہے کہ وہ ’مِس امریکہ کے بارے میں دقیانوسی تصورات کو توڑنا چاہتی ہیں۔‘

مس ورلڈ تصویر کے کاپی رائٹ Getty Images

کمیل شریئر کے پاس سائنس کی دو انڈر گریجویٹ ڈگریاں ہیں اور اب وہ ورجینیا کامن ویلتھ یونیورسٹی سے فارمیسی میں ڈاکٹریٹ کی تعلیم حاصل کر رہی ہیں۔

مس ورلڈ تصویر کے کاپی رائٹ Getty Images

مِس امریکہ کی حیثیت سے اپنے کردار میں آئندہ ایک برس تک کمیل شریئر منشیات سے تحفظ اور روک تھام کے ایک پروگرام کی پروموشن کریں گی۔

مس ورلڈ تصویر کے کاپی رائٹ Getty Images

کمیل شریئر کی جیت کے بعد خیال کیا جا رہا کہ اب مِس امریکہ کے روایتی خوبصورتی کے مقابلے کو ترقی پسندی کی جانب ایک اور قدم کے طور پر دیکھا جائے گا۔ سنہ 2018 میں پروگرام کی ایک منتظم اور سابق مِس امریکہ گریٹچن کارلسن کا کہنا تھا کہ ’آئندہ ہم امیدواروں کو ان کی ظاہری اور جسمانی خوبصورتی کی بنیاد پر جج نہیں کریں گے۔‘

مس ورلڈ تصویر کے کاپی رائٹ Getty Images

۔

متعلقہ عنوانات

اسی بارے میں