نئی جیمز بانڈ فلم کا ریکارڈ ساز افتتاح

آخری وقت اشاعت:  منگل 30 اکتوبر 2012 ,‭ 04:16 GMT 09:16 PST

اس سال بانڈ سلسلے کی پچاسویں سالگرہ منائی جا رہی ہے۔

سونی پکچرز نے بتایا ہے کہ جیمز بانڈ سلسلے کی نئی فلم سکائی فال نے اختتامِ ہفتہ میں دو کروڑ پاؤنڈ سے زائد کا بزنس کیا ہے، جو اب تک جاری ہونے والی کسی بھی بانڈ فلم سے زیادہ ہے۔

تاہم سکائی فال گذشتہ سال ہیری پاٹر سلسلے کی فلم ہیری پاٹر اینڈ دی ڈیتھلی ہیلوز پارٹ ٹو کا ریکارڈ توڑنے میں ناکام رہی۔اس تھری ڈی فلم نے پہلے ویک اینڈ میں دو کروڑ تیس لاکھ پاؤنڈ کا بزنس کیا تھا۔

اس کے علاوہ ٹوئے سٹوری تھری نے دو کروڑ بارہ لاکھ ڈالر بٹورے تھے۔

زیرو زیرو سیون سلسلے کی تئیسویں فلم کے پروڈیوسروں، مائیکل جی ولسن اور باربرا براکلی نے کہا: ’ہمیں سکائی فال کو ملنے والی پذیرائی سے بہت خوشی ہوئی ہے۔ یہ بات اس لیے بھی خوش کن ہے کیوں کہ برطانیہ بانڈ کا گھر ہے اور یہ سال بانڈ سلسلے کی پچاسویں سالگرہ کا سال بھی ہے۔‘

"ہمیں سکائی فال کو ملنے والی پذیرائی سے بہت خوشی ہوئی ہے۔ یہ بات اس لیے بھی خوش کن ہے کیوں کہ برطانیہ بانڈ کا گھر ہے۔"

جیمز بانڈ فلمی تاریخ کا طویل ترین سلسلہ ہے۔

یہ فلم برطانیہ اور آئرلینڈ کے پانچ سو ستاسی سینماؤں میں نمائش کے لیے پیش کیا ہے، جب کہ امریکی شائقین کو یہ فلم دیکھنے کے لیے نو نومبر تک کا انتظار کرنا پڑے گا۔

یہ اداکار ڈینیئل کریگ کی تیسری بانڈ فلم ہے۔ اس سے پہلے انھیں کیسینو روئیل اور کوانٹم آف سولیس میں خاصا پسند کیا گیا تھا۔

اسی بارے میں

متعلقہ عنوانات

BBC © 2014 بی بی سی دیگر سائٹوں پر شائع شدہ مواد کی ذمہ دار نہیں ہے

اس صفحہ کو بہتیرن طور پر دیکھنے کے لیے ایک نئے، اپ ٹو ڈیٹ براؤزر کا استعمال کیجیے جس میں سی ایس ایس یعنی سٹائل شیٹس کی سہولت موجود ہو۔ ویسے تو آپ اس صحفہ کو اپنے پرانے براؤزر میں بھی دیکھ سکتے ہیں مگر آپ گرافِکس کا پورا لطف نہیں اٹھا پائیں گے۔ اگر ممکن ہو تو، برائے مہربانی اپنے براؤزر کو اپ گریڈ کرنے یا سی ایس ایس استعمال کرنے کے بارے میں غور کریں۔