گووندا کی بیٹی بھی اداکاری کے میدان میں

تصویر کے کاپی رائٹ Hoture
Image caption گووندا کی بیٹی نرمدا نے اپنا نام نرمدا سے بدل کر ٹینا رکھ لیا ہے

فلم اداکاروں کے بچوں کا فلمی دنیا میں قدم رکھنا عام بات ہے اور بالی وڈ میں ان دنوں فلموں سے منسلک لوگوں کے بچوں کی قطار لگی ہوئی ہے۔

تاہم بالی وڈ کے معروف اداکار گووندا کی بیٹی ابھی تک اتنی خوش قسمت ثابت نہیں ہوئی ہیں۔

کئی سالوں سے گووندا کی بیٹی نرمدا کے بارے میں یہ باتیں ہوتی رہی ہیں کہ وہ بالی وڈ سے اپنے کریئر کا آغاز کر سکتی ہیں۔ اب تازہ اطلاعات کے مطابق بالی وڈ سے نہ سہی لیکن گووندا کی بیٹی نرمدا کا فلمی کریئر پنجابی سینیما سے ضرور شروع ہونے والا ہے۔

نرمدا ایک پنجابی فلم میں مشہور پنجابی ایکٹر اور گلوکار گپی گریوال کے ساتھ اپنی پہلی فلم میں جلوہ گر ہوں گی۔ لیکن انھوں نے اس فلم کے لیے انھوں نے اپنا نام ’نرمدا‘ سے بدل کر ’ٹینا‘ رکھ لیا ہے۔

اخبار ممبئی مرر سے بات کرتے ہوئے نرمدا کی ایک قریبی دوست نے بتایا: ’ہمارے سارے دوست نرمدا کو ان کے گھریلو نام ٹینا سے بلاتے ہیں اور ہماری صلاح پر ہی اس نے ایسا کیا کیونکہ ٹینا نام ایک سٹار کے طور پر زیادہ اچھا لگتا ہے۔‘

نرمدا کے والد گووندسا کا بھی اصل نام گووند آہوجا تھا جسے انھوں نے فلموں میں آنے کے بعد بدل لیا تھا۔

گووندا 80 اور 90 کی دہائیوں میں بالی وڈ کے کامیاب ترین اداکاروں میں شامل رہے اور انھوں نے اپنے طرز کی بہتر کامیڈی پیش کی۔

اسی بارے میں