سونم کپور کو سوائن فلو ہوگیا، ممبئی کے ہسپتال منتقل

تصویر کے کاپی رائٹ hoture images
Image caption بھارتی میڈیا کی رپورٹس میں ذرائع کے حوالے سے بتایا گیا کہ سونم کے خون کے ٹیسٹ میں سوائن فلو کی تصدیق ہوگئی ہے

بھارتی فلمی صنعت بالی وڈ کی مشہور اداکارہ سونم کپور کو سوائن فلو کی تشخیص کے بعد ہسپتال منتقل کردیا گیا ہے۔

بھارتی میڈیا کے مطابق سونم گزشتہ دس روز سے گجرات کے علاقے راجکوٹ میں سلمان خان کے ساتھ فلم کی شوٹنگ میں مصروف تھیں۔

اطلاعات کے مطابق سونم کپور کو تیز بخار ہوا اور انھیں راجکوٹ کے ایک مقامی ہسپتال میں ہفتے کو منتقل کیا گیا۔

رپورٹ میں ذرائع کے حوالے سے بتایا گیا کہ سونم کے خون کے ٹیسٹ میں سوائن فلو کی تصدیق ہوگئی ہے جبکہ ان کی ٹرینر میں بھی یہ بیماری پائی گئی ہے۔

تشخیص کے بعد سونم ممبئی واپس پہنچ گئی ہیں۔

واضح رہے کہ چند روز قبل سوائن فلو کے خطرے کے پیشِ نظر گجرات کے دارالحکومت احمد آباد میں دفعہ 144 نافذ کر کے لوگوں کے اجتماع پر پابندی لگا دی گئی تھی۔

گجرات میں سوائن فلو کی وجہ سے اس سال اب تک 219 افراد ہلاک ہو چکے ہیں، جبکہ مریضوں کی تعداد 3،500 سے تجاویز کر گئی ہے۔

اسی بارے میں