میکا سنگھ گرفتاری کے بعد ضمانت پر رہا

تصویر کے کاپی رائٹ AFP
Image caption میکا سنگھ پہلے بھی تنازعوں کا شکار رہے ہیں

بھارت کے مشہور گلوکار میکا سنگھ کو دہلی میں گرفتاری کے بعد ضمانت پر رہا کر دیا گیا ہے۔

انھیں 12 اپریل کو دہلی میں ہونے والی ایک تقریب میں ایک ڈاکٹر کو تھپڑ مارنے کے سلسلے میں گرفتار کیا گیا تھا۔

اس تقریب کا انعقاد امراضِ چشم سے متعلق ڈاکٹروں کی ایک سوسائٹی نے کیا تھا۔

شو کے دوران میکا سنگھ نے ایک ڈاکٹر کو خبردار کیا تھا کہ وہ بار بار اس جگہ جا کر ڈانس نہ کریں جہاں خواتین ناچ رہی ہیں۔ اس کے بعد میکا نے جھنجھلا کر ڈاکٹر کو سٹیج پر بلا کر تھپڑ رسید کر دیا۔

اس واقعے کے بعد انڈین میڈیکل ایسوسی ایشن نے میکا سنگھ کا بائیکاٹ کی اپیل کرتے ہوئے ان کی گرفتاری کا مطالبہ کیا تھا۔

اسی بارے میں