شاہ رخ کی سلمان سے فرمائش،’بریانی بھجوا دیں‘

تصویر کے کاپی رائٹ AFP
Image caption اگلے سال عید کے موقعے پر سلمان اور شاہ رخ دونوں کی فلمیں ریلیز ہوں گی

بالی وڈ کے سپر سٹار شاہ رخ خان کی نئی فلم ’رئیس‘ کا ٹریلر سنیچر کو عید کے دن ریلیز کیا گیا۔

اس فلم کی خاص بات یہ ہے کہ اس کو بھارتی فلم انڈسٹری کے ایک اور ستارے ’بجرنگی بھائی جان‘ یعنی سلمان خان پرموٹ کر رہے ہیں۔

سلمان خان نے شاہ رخ کی نئی فلم کی سماجی رابطوں کی ویب سائٹ ٹوئٹر پر تشہیر کی۔

تصویر کے کاپی رائٹ BBC World Service

سلمان خان نے فلم ’رئیس‘ کے بارے میں متعدد ٹویٹس کیں۔ پہلی چار ٹویٹس میں انھوں نے رئیس کے ہجے لکھے اور پانچویں ٹویٹ میں انھوں نے لکھا کہ ’آ رہا ہے۔‘

اس کے بعد سلمان نے ایک اور ٹویٹ کی جس میں انھوں نے لکھا ’رئیس آ رہا ہے۔ فی الحال ٹریلر دیکھو اور بے حد انجوائے کرو۔’

بریانی بھیجوا دے‘

تصویر کے کاپی رائٹ

واضع رہے کہ اگلے سال عید کے موقعے پر سلمان اور شاہ رخ دونوں کی فلمیں ریلیز ہوں گی۔

شاہ رخ جہاں ’رئیس ‘میں نظر آئیں گے تو وہاں سلمان خان ’سلطان‘ میں اپنی اداکاری کے جوہر دیکھائیں گے۔

سلمان خان کی ٹویٹس کے بعد شاہ رخ نے بھی اپنے انداز میں جواب دیا۔ شاہ رخ نے ٹویٹ کیا کہ ’ابھی بلغاریہ میں ہوں گھر نہیں آ سکتا۔ تھوڑی بریانی بھجوا دیں گھر میں بچوں کے لیے۔عید مبارک اینڈ لو ٹو فیملی۔‘

اسی بارے میں