ماؤ باغیوں نے چار پولیس اہلکار رہا کردیے

Image caption باغیوں نے پولیس اہلکاروں کو جنگل میں مقامی صحافیوں کے حوالے کیا

بھارت میں سرکاری اہلکاروں کا کہنا ہے کہ ماؤ نواز باغیوں نے ان چار پولیس اہلکاروں کو رہا کر دیا ہے جنھیں گیارہ دن قبل یرغمال بنایا گیا تھا۔

ان چار پولیس اہلکاروں کو جمعرات کی رات دیر گئے رہا کیا گیاگیا۔

رہائی پانے والوں کو جنگل میں مقامی صحافیوں کے حوالے کیا گیا۔

ماؤ نواز باغیوں نے انیس ستمبر کو چھتیس گڑھ کی ریاست میں واقع بیجاپور سے سات پولیس اہلکار اغوا کیا تھے۔

اغوا کےدو روز بعد دو پولیس اہلکاروں کی لاشیں جنگل سے ملی تھیں۔

بھارتی افواج کئی ریاستوں میں ماؤ نواز باغیوں سے برسرِ پیکار ہیں۔ باغیوں کا کہنا ہے کہ وہ غریبوں کے حقوق کے لیے لڑ رہے ہیں۔

گزشتہ سال بھارتی حکومت نے کئی ریاستوں میں ماؤ نواز باغیوں کے خلاف بڑی کارروائی کا آغاز کیا تھا۔

ماؤ نواز باغیوں کی طرف سے شروع کردہ اس بغاوت کو بھارتی حکومت کے لیے سب سے بڑا اندرونی چیلنج سمجھا جاتا ہے۔

اسی بارے میں