بھارت: سردی کی لپیٹ میں

دلی میں شدید دھند
Image caption دلی میں شدید دھند ہے

شمالی بھارت کے علاقے سخت سردی کی لپیٹ میں ہیں اور اطلاعات کے مطابق اس ٹھنڈ کی وجہ سے بیس سے زیادہ لوگ ہلاک ہو گئے ہیں۔

سخت سردی کی لپیٹ میں آنے والے علاقوں میں سب سے زیادہ متاثر دار الحکومت دلی اور بھارت کے زیر انتظام کشمیر کے علاوہ ہریانہ، پنجاب اور اتر پردیش کی ریاستیں شامل ہیں۔

محکمہ موسمیات کے مطابق کشمیر کے علاقے لیہ میں اتوار کو درجہ حرات منفی تئیس سینٹی گریڈ تک گر گیا۔

اتوار کو دلی میں درجہ حرارت آٹھ ڈگری سینٹی گریڈ سے بھی کم ہوگیا اور شدید دھند کی وجہ سے شہر کی معمول کی زندگی بری طرح متاثر ہوئی ہے۔دھند کی وجہ سے دلی سے آنے اور جانے والی بیشتر پروازوں کا شیڈول گڑ بڑ ہوا ہے اور بہت سی پروازیں منسوخ کر دی گئی ہیں۔

Image caption سری نگر میں جھیل کا منظر

دلی میں بے گھر افراد سردی سے نمٹنے کی کوشش کرتے ہوئے جگہ جگہ آگ جلا کر اس کے گرد جمع دکھائی دیتے ہیں۔

کشمیر کے دیگر علاقوں میں سخت سردی پڑی ہے اور سری نگر میں بھی درجہ حرارت سینٹی گریڈ میں منفی سے نیچے گیا ہے۔

حکام نے بتایا ہے کہ بھاری برفباری کے باعث کشمیر پہنچنے کی اہم شاہراہ بند ہو گئی ہے۔

اسی بارے میں