Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

لائیو رپورٹنگ

time_stated_uk

  1. مولانا فضل الرحمان: ’میرے ساتھیوں اب آپ نے جانا ہے‘

    مولانا فضل الرحمان نے اسلام آباد میں دھرنا دینے والے کارکنان سے کہا کہ اب آپ نے جانا ہے اور منظم انداز میں جائیں۔ انھوں نے حکومت اور اداروں کو پیغام دیتے ہوئے کہا کہ اپنے علاقوں کو جانے والے افراد کو روکا نہ جائے۔

  2. مولانا فضل الرحمان: ’حکومت نواز شریف کو روک رہی ہے‘

    مولانا فضل الرحمان نے اپنے خطاب کے آخر میں کہا کہ نواز شریف بیمار ہیں اور حکومت نے بداخلاقی کا مظاہرہ کیا ہے اور وہ انھیں باہر جانے سے روک رہی ہے۔

  3. بریکنگمولانا کا مارچ کے شرکا کو پیغام: ’سڑکوں پر نکلیں‘

    فضل الرحمان

    مولانا فضل الرحمان نے کہا ہے کہ حکومت استعفیٰ دے اور عام انتخابات کروائے، اس سے کم پر کچھ نہیں ہوگا۔

    انھوں نے کارکنان سے کہا کہ جو اسلام آباد نہیں آ سکے اب وہ اپنے علاقوں میں سڑکوں پر نکلیں۔

    انھوں نے کہا کہ وہ اسلام آباد میں موجود اپنے کارکنان کو سلام پیش کرتے ہیں۔

    اپنے خطاب میں انھوں نے ایک بار پھر کشمیر کے معاملے اور امریکہ میں قید ڈاکٹر عافیہ صدیقی کے حوالے سے بات کی۔

  4. مولانا فضل الرحمان: ’شہروں سے باہر رہیں گے‘

    مولانا فضل الرحمان نے کہا ہے کہ ان کے کارکنان شہروں سے باہر جا کر شاہراؤں پر بیٹھیں گے۔ انھوں نے کہا کہ یقیناً ہم دباؤ بڑھانا چاہتے ہیں تاہم ان کا یہ بھی کہنا تھا کہ شہریوں کے معمولات زندگی کو متاثر نہیں کرنا چاہتے۔

    ’کسی ایمبولینس کا راستہ بند نہیں ہونا چاہیے۔ کسی مریض کا راستہ بند نہیں ہونا چاہیے۔۔۔‘

  5. مولانا فضل الرحمان کا اداروں کو پیغام

    جمعیت علمائے اسلام کے سربراہ نے کہا کہ ہم پوری قوم کو بین الاقوامی دباؤ اور ناجائز حکمرانی سے نکالنا چاہتے ہیں۔ ان کا کہنا تھا کہ ادارے بھی اس مارچ کی حمایت کریں۔

  6. دھرنے کے شرکا کے نام مولانا کا پیغام

    مولانا فضل الرحمان نے دھرنے کے شرکا سے کہا کہ دنیا نے ان کے منظم ہونے کو تسلیم کیا ہے اور اب وہ دوسرے محاذ پر جا رہے ہیں تو پرامن ہی رہیں۔

  7. مولانا فضل الرحمان: ہم جہاں بھی جائیں گے، آپ نے پر امن رہنا ہے

  8. بریکنگمولانا فضل الرحمان: ’آج ہی یہاں سے روانہ ہوں گے‘

    جمعیت علمائے اسلام کے سربراہ مولانا فضل الرحمان نے آزادی مارچ کے نئے مرحلے کا اعلان کرتے ہوئے شرکا سے کہا ہے کہ وہ ملک کے دوسرے حصوں میں موجود کارکنان کی ساتھ شامل ہوں۔ ان کا کہنا تھا کہ وہ ’آپ کی رسد کے منتظر ہیں۔‘

    مولانا فضل الرحمان کنٹینر پر دیگر جماعتوں کے رہنماؤں کے ہمراہ موجود ہیں۔ انھوں نے آزادی مارچ کے شرکا سے کہا کہ ہاں آپ کی موجودگی نے حکومت کی جڑیں کاٹی ہیں، اگلے مرحلے میں اس تنے کو کاٹ دیں گے اور اب دیوار ہل چکی ہے۔

  9. مولانا فضل الرحمان: کچھ اطراف سے ایسے ایسے جملے کہے جا رہے ہیں جو حوصلہ شکنی کا سبب بنیں

  10. آزادی مارچ میں نماز کا وقفہ

    جے یو آئی کے رہنماؤں کی جانب سے خطابات جاری ہیں اس دوران کچھ دیر کے لیے نماز کا وقفہ لیا گیا ہے۔

  11. سندھ میں پانچ مقامات پر دھرنے کا اعلان

    مولانا عطا الرحمان نے کہا ہے کہ سندھ میں پانچ مقامات پر دھرنے ہوں گے۔ ان کے مطابق جمعرات کی دوپہر میں کندھ کوٹ سے پنجاب اور سندھ کا بارڈر بند کر دیا جائے اور روہڑی، سکھر موٹروے بھی بند کر دی جائے گی۔

  12. بریکنگجے یو آئی کی جانب سے ’پلان بی‘ کا اعلان جاری

    مولانا

    اسلام آباد میں جے یو آئی کے رہنما اس وقت کارکنان سے خطاب کر رہے ہیں۔ مولانا عطا الرحمن نے سندھ اوربلوچستان میں موجود پارٹی کارکنان سے کہا ہے کہ وہ کل دوپہر دو بجے سے مختلف شاہراؤں پر اکٹھے ہوں۔

  13. مولانا فضل الرحمان کنٹینر پر پہنچ گئے، اہم اعلان متوقع

    مولانا فضل الرحمان کے آزادی مارچ کے حوالے سے مقامی ذرائع ابلاغ میں خبریں گردش کر رہی ہیں کہ وہ کوئی اہم اعلان کرنے والے ہیں۔

    اس وقت مولانا اسلام آباد کے سیکٹر ایچ 9 میں موجود اپنے کنٹینر پر پہنچ چکے ہیں اور کچھ ہی دیر میں ان کا خطاب متوقع ہے۔

  14. قلعہ عبد اللہ کے علاقے میں سید حمید کراس کے مقام پر مرکزی شاہراہ بلاک

    قلعہ عبد اللہ کے علاقے میں سید حمید کراس کے مقام پر جمیعت علمائے اسلام (ف) کے کارکنان نے مرکزی شاہراہ بلاک کر دی ہے۔

    کوئٹہ
    کوئٹہ
    کوئٹہ
    کوئٹہ
  15. بریکنگ’پلان بی پر عمل درآمد شروع‘، کوئٹہ سے کراچی جانے والی شاہراہ بلاک

    کوئٹہ سے کراچی

    جمیعت علمائے اسلام (ف) کے جنرل سیکرٹیری ملک سکندر نے نامہ نگار محمد کاظم کو بتایا ہے کہ مولانا فضل الرحمان کے پلان بی پر عملدرآمد شروع ہو گیا ہے اور اسی کے تحت ان کی پارٹی اور پختونخوا ملی عوامی پارٹی کے کارکنان نے کوئٹہ سے کراچی جانے والی شاہراہ کو سید حمید کراس کے مقام پر بلاک کر دیا ہے۔

    کوئٹہ سے کراچی
  16. جمعیت علمائے اسلام ف کا ’پلان بی‘ اور پولیس نوٹیفیکیشن

    ڈپٹی انسپکٹر جنرل کراچی پولیس شرجیل کھرل کی جانب سے جاری ایک نوٹیفیکیشن کے مطابق جمعیت علمائے اسلام ف کے پلان ’بی‘ کے تحت کراچی شہر کے مختلف مقامات پر دھرنا دیا جائے گا۔

    نوٹیفیکیشن کے مطابق دھرنے میں بیٹھنے کے لیے مختلف مدرسوں کے طلبا کو استعمال کیا جائے گا جو کہ طویل عرصہ تک قیام کریں گے۔

    نوٹیفیکیشن میں ان مقامات کی نشاندہی بھی کی گئی ہے۔

    پولیس
  17. مولانا فضل الرحمان: وزیر اعظم عدالت میں چھپ رہے ہیں

    مولانا فضل الرحمان نے آزادی مارچ کے شرکا سے خطاب میں کہا کہ وزیر اعظم عمران خان کہتے تھے نواز شریف اور آصف زرداری تلاشی دیں۔ جب عمران خان کی پوری پارٹی کی الیکشن کمیشن نے تلاشی شروع کی تو پھر وہ عدالت میں چھپنا شروع کردیا۔

  18. مولانا فضل الرحمان: ’ناجائز حکمرانوں سے نجات تک جنگ جاری رہے گی‘

    مولانا فضل الرحمان نے آزادی مارچ کے شرکا سے خطاب میں کہا کہ آزادی کے حصول اور ناجائز حکمرانوں سے نجات تک جنگ جاری رہے گی۔ اس ملک میں آئین اور معیشت کی جنگ ہم نے لڑنی ہے۔

  19. مولانا فضل الرحمان: ’تمام پارٹیوں سے مشاورت میں ہیں‘

    مولانا فضل الرحمان نے کہا کہ اس وقت ہم تمام پارٹیوں سے رابطے میں ہیں۔ ادھر سے اٹھ کر گھروں کو نہیں جائیں گے۔ میدان میں رہیں گے۔