لائیو
ویسٹ انڈیز سیمی فائنل کی دوڑ سے باہر، سری لنکا سے 20 رنز سے شکست
ٹی ٹوئنٹی ورلڈ کپ کے 35ویں میچ میں آج سری لنکا نے ویسٹ انڈیز کو 20 رنز سے شکست دے دی ہے اور یوں سری لنکا، بنگلہ دیش کے بعد اب ویسٹ انڈیز بھی گروپ 1 میں سیمی فائنل کی دوڑ سے باہر ہو گیا ہے۔
لائیو رپورٹنگ
time_stated_uk
لائیو پیج کی کوریج ختم لیکن ٹی ٹوئنٹی ورلڈکپ کی کوریج جاری!
اب یہ پیج مزید اپ ڈیٹ نہیں کیا جائے گا
یہ پیج اب مزید اپ ڈیٹ نہیں کیا جائے گا لیکن ٹی ٹوئنٹی ورلڈ کپ کی کوریج جاری رہے گی۔
کل گروپ 2 کے دو میچ کھیلے جائیں گے۔ پہلے میچ میں نیوزی لینڈ اور نمیبیا مدِ مقابل ہوں گے۔ جبکہ دوسرا میچ انڈیا اور سکاٹ لینڈ کے درمیان ہو گا۔
بریکنگاسالانکا پلیئر آف دا میچ قرار!
41 گیندوں پر 68 رنز بنانے پر اسالانکا پلیئر آف دا میچ قرار پائے۔
’سری لنکا نے اس ٹورنامنٹ میں متاثر کن کرکٹ کھیلی ہے‘
’ویسٹ انڈیز مستقبل میں بھی ایک اچھی ٹی ٹوئنٹی ٹیم رہے گی‘
پوائنٹس ٹیبل کی صورتحال: گروپ 1 میں سیمی فائنل تک رسائی کے لیے جنوبی افریقہ اور آسٹریلیا کی لڑائی
گروپ 1 میں میں ابھی سیمی فائنل تک رسائی حاصل کرنے والی دوسری ٹیم کا فیصلہ ہونا باقی ہے اور اس کے لیے آسٹریلیا اور جنوبی افریقہ کے درمیان کڑا مقابلہ ہے۔
جنوبی افریقہ کا آخری میچ انگلینڈ سے ہے جبکہ آسٹریلیا کا آخری میں ویسٹ انڈیز کے خلاف ہے۔ اس لیے فی الحال آج کی آسٹریلیا کی بنگلہ دیش کے خلاف فتح کےبعد آسٹریلیا کے امکانات روشن ہیں۔
بریکنگویسٹ انڈیز سیمی فائنل کی دوڑ سے باہر، سری لنکا سے 20 رنز سے شکست
ٹی ٹوئنٹی ورلڈ کپ کے 35ویں میچ میں آج سری لنکا نے ویسٹ انڈیز کو 20 رنز سے شکست دے دی ہے اور یوں سری لنکا، بنگلہ دیش کے بعد اب ویسٹ انڈیز بھی گروپ 1 میں سیمی فائنل کی دوڑ سے باہر ہو گیا ہے۔
ویسٹ انڈیز کو آخری اوور میں 34 رنز درکار!
شیمورن ہیٹمائر نے اب تک تن تنہا ہی ویسٹ انڈیز کو ہدف کے قریب پہنچانے کی کوشش کی ہے۔ لیکن بظاہر اب یہ ٹوٹل ان کے لیے بھی بہت زیادہ دکھائی دے رہا ہے۔
بریکنگہیٹمائر کی نصف سنچری مکمل
شیمرون ہیٹمائر کی نصف سنچری مکمل ہو چکی ہے۔ انھوں نے ہیٹمائر کے ساتھ مل کر ویسٹ انڈیز کی جانب سے کچھ مزاحمت کرنے کی کوشش کی ہے۔ ان کی اننگز میں چھ چوکے اور ایک چھکا شامل ہے۔
ویسٹ انڈیز شکست کے قریب!
ویسٹ انڈیز کا سکور: 17 اوورز میں 131/8
اب یہ واضح ہوتا جا رہا ہے کہ ویسٹ انڈیز کو اس ٹورنامنٹ میں ایک بار پھر شکست کا سامنا ہے۔ انھیں آخری چار اوورز میں 16 رنز سے زیادہ کی اوسط درکار ہے جبکہ اس کے آٹھ آؤٹ ہو چکےہیں۔
بریکنگجیسن ہولڈر بھی آؤٹ! ویسٹ انڈیز کے سات کھلاڑی پویلین میں
بڑھتے ہوئے رن ریٹ کے باعث جیسن ہولڈر نے جارحانہ انداز اپنانے کی کوشش کی، لیکن وہ اس میں کامیاب نہیں ہو سکے اور مڈوکٹ پر کیچ دے بیٹھے۔
ہیٹمائر کے لگاتار تین چوکے، ویسٹ انڈیز کو 13 رنز کی اوسط درکار
ویسٹ انڈیز کا سکور: 15 اوورز میں 110/6
ویسٹ انڈیز کے شیمرون ہیٹمائر اب بھی ہدف کے تعاقب کی پوری کوشش کر رہے ہیں، لیکن فی الحال سری لنکن بولرز ان پر حاوی ہیں۔ انھوں نے تین چوکے تو لگائے ہیں لیکن آخری دو گیندوں پر بولر نے یہ یقینی بنایا کہ یہ اوور زیادہ مہنگا نہ ہو جائے۔
بریکنگآندرے رسل بھی آؤٹ! کرونارتنے کی دوسری وکٹ
آندرے رسل جو اس اوور میں بیٹنگ میں کچھ خاص کارگردگی دکھانے میں ناکام رہے ہیں نے آج بھی صرف دو رنز ہی بنا سکے۔
بریکنگنکولس پورن آؤٹ! ویسٹ انڈیز کو 12 رنز کی اوسط درکار
ویسٹ انڈیز کا سکور: 13 اوورز میں 94/5
نکولس پورن بھی پویلین لوٹ چکے ہیں اور اب ویسٹ انڈیز کو 12 رنز سے زیادہ کی اوسط سے رنز بنانے ہیں۔
پورن کو چمیرا نے آؤٹ کیا۔ وہ لانگ آن کے اوپر سے چھکا مارنے کی کوشش کر رہے تھے، لیکن اس کوشش میں کیچ ہو گئے۔
دس اوورز ویسٹ انڈیز کا سکور 72/3، 60 گیندوں پر 118 رنز درکار
ہر گزرتے اوور کے ساتھ ویسٹ انڈیز کے لیے اس ٹوٹل کا تعاقب مشکل ہوتا جا رہا ہے۔
سری لنکا کے بولرز کی اچھی بولنگ، ویسٹ انڈیز دباؤ میں
ویسٹ انڈیز کا سکور: نو اوورز میں 63/3
گذشتہ تین اوورز میں ویسٹ انڈیز نے مجموعی طور پر صرف 10 رنز بنائے ہیں۔ اس وقت کریز پر ہیٹمائر اور پورن موجود ہیں جنھیں ویسٹ انڈیز کا مستقبل کہا جاتا ہے۔
پاور پلے سری لنکا کے نام، لیکن ویسٹ انڈیز کی جارحانہ بیٹنگ بھی جاری
پاور پلے میں سری لنکا نے ویسٹ انڈیز کے ٹاپ آرڈر کو پویلین پہنچا دیا ہے لیکن اس دوران نکولس پورن کی جارحانہ بیٹنگ کی بدولت اب بھی ویسٹ انڈیز میچ میں موجود ہے۔
بریکنگراسٹن چیز آؤٹ، راجاپکسے کا بہترین کیچ!
ویسٹ انڈیز: چھ اوورز کے اختتام پر 53/3
راسٹن چیز کی شاٹ میں شاید صرف یہی خامی تھی کہ وہ مڈوکٹ کے فیلڈر سے بہت زیادہ دور نہیں تھی۔ مڈوکٹ پر کھڑے راجا پکسے نے لپک کر یہ خوبصورت کیچ پکڑا اور چیز کو پویلین کی راہ دکھائی۔
دو وکٹیں گرنے کے باوجود ویسٹ انڈیز کی جارحانہ بیٹنگ جاری
ویسٹ انڈیز کا سکور: پانچ اوورز میں 43/2
ویسٹ انڈیز نے اپنے اوپنرز کھونے کے باوجود مزاحمت جاری رکھی ہوئی ہے اور نکولس پورن بہترین بیٹنگ کا مظاہرہ کر رہے ہیں۔
پورن کو پروموٹ کرنے کا اچھا فیصلہ!
ویسٹ انڈیز کے نکولس پورن کا جارحانہ انداز، اوور میں دو چوکے، ایک چھکا
ویسٹ انڈیز کا سکور: چار اوورز میں 34/2
ویسٹ انڈیز کے نکولس پورس جارحانہ انداز اپنائے ہوئے ہیں اور انھوں نے بنورا فرنینڈو کے اس اوور میں 15 رنز بنا لیے ہیں۔