BBCUrdu.com
  •    تکنيکي مدد
 
پاکستان
انڈیا
آس پاس
کھیل
نیٹ سائنس
فن فنکار
ویڈیو، تصاویر
آپ کی آواز
قلم اور کالم
منظرنامہ
ریڈیو
پروگرام
فریکوئنسی
ہمارے پارٹنر
آر ایس ایس کیا ہے
آر ایس ایس کیا ہے
ہندی
فارسی
پشتو
عربی
بنگالی
انگریزی ۔ جنوبی ایشیا
دیگر زبانیں
 
وقتِ اشاعت: Thursday, 11 May, 2006, 12:03 GMT 17:03 PST
 
یہ صفحہ دوست کو ای میل کیجیئے پرِنٹ کریں
سو برس بعد، اُردو کی گرامر
 

 
 
کتاب
1904 کے برطانوی ایڈیشن کا عکس
جان۔ ٹی۔ پلیٹس کا نام اگرچہ محض اسکی مشہورِ زمانہ لغت سے منسلک ہو کر رہ گیا ہے لیکن اُس نے ہندوستانی زبان کی ڈکشنری مرتب کرنے کے ساتھ ساتھ اسکی گرامر پر بھی ایک دقیع دستاویز چھوڑی تھی جِس سے بعد میں آنے والے قواعد نویس آج تک استفادہ کرتے رہے ہیں۔

اس کتاب کا پورا نام یوں ہے:
A Grammar of Hindustani or Urdu Language

انیسویں صدی کے اواخر تک یوں تو اُردو یا ہندوستانی کی بہت سی گرامریں چھپ چُکی تھیں جِن میں سے اکثریت یورپی مصنفین کے زورِ قلم کا نتیجہ تھی لیکن نہ تو کسی ولائتی اور نہ کسی دیسی قواعد نویس نے اُردو اسم کی جِنس اور تعداد، گِنتی کے نظام اور مرکب افعال پر اُس گہرائی سے سوچا تھا جو محض پلیٹس کا طرّہ امتیاز ہے۔

مُصنّف نے پہلی مرتبہ اُردو الفاظ کے اِشتقاق کا ایک تفصیلی نظام مرتب کیا اور عربی، فارسی یا ترکی زبانوں سے آنے والے الفاظ کے ساتھ ساتھ مقامی بھاشاؤں سے لئے گئے لفظوں اور سنسکرت مادّوں سے پھوٹنے والی فرہنگ کو اپنے مطالعے کا مرکز بنایا۔

گرامر کے دیباچے میں پلیٹس لکھتے ہیں:
’ہندوستان کے اُردو سکالر۔ خاص طور پر مسلمان عالِم۔ اپنی زبان کے اُن لفظوں کا کوئی عِلم نہیں رکھتے جِن کی جڑیں عربی یا فارسی میں نہیں ہیں۔ چونکہ اِن علماء کا مبلغ عِلم محض عربی فارسی تک محدود ہے اس لیے اُن سے توقع رکھنا کہ وہ لسانیات کے جدید اصولوں کے مطابق مقامی لفظوں کی جڑیں تلاش کر سکیں گے، ایک خیالِ خام ہے۔‘

پلیٹس کی گرامر میں اسم فاعل کا بیان
پلیٹس نے تسلیم کیا ہے کہ انہوں نے ڈاکٹر وُلّر اور پروفیسر وہائٹ کے کام سے اِستفادہ کیا ہے۔ مقامی ماہرین میں انھوں نے شیخ عبداللہ کانپوری، محمد رضا اِلہ آبادی، علی اصغر اجمیری اور صفدر علی جبل پوری کے نام گِنوائے ہیں۔

سچ تو یہ ہے کہ اِن حضرات کے نام محض پلیٹس کی بدولت ریکارڈ پر آگئے ہیں ورنہ پلیٹس کے پائے کی کوئی تصنیف اِن افراد سے منسوب نہیں ہے۔ خیال غالب ہے کہ پلیٹس نے اِن افراد سے زبانی گفتگو کر کے اُردو زبان کی ساخت کے بارے میں کچھ نتائج اخذ کیے ہوں گے۔

لاہور کے اشاعتی ادارے سنگِ میل نے اردو لِسانیات کی نایاب کلاسیکی کتابوں کو دوبارہ شائع کرنے کا جو سلسلہ شروع کیا ہے اس میں جان شیکسپئر، ڈنکن فاربس اور فیلن کی تصانیف کے بعد جان ٹی پلیٹس کی یہ اُردو گرامر انتہائی اہم ہے اور اسکی اشاعت سے علمی حلقوں کی ایک دیرینہ ضرورت پوری ہوگئی ہے۔

 
 
اسی بارے میں
برطانوی اور امریکی انگریزی
22 September, 2005 | Learning English
2005 کے نئے انگریزی الفاظ
11 January, 2006 | Learning English
ڈاکٹر فیلن کی ڈکشنری
24 January, 2006 | Learning English
فیلن کی ڈ کشنری (آخری قسط)
20 February, 2006 | Learning English
اردو میں انگریزی سیکھیں
27 July, 2004 | Learning English
انگریزی کے رنگ
20 October, 2004 | Learning English
انگریزی جملے کی ساخت
10 December, 2004 | Learning English
تازہ ترین خبریں
 
 
یہ صفحہ دوست کو ای میل کیجیئے پرِنٹ کریں
 

واپس اوپر
Copyright BBC
نیٹ سائنس کھیل آس پاس انڈیاپاکستان صفحہِ اول
 
منظرنامہ قلم اور کالم آپ کی آواز ویڈیو، تصاویر
 
BBC Languages >> | BBC World Service >> | BBC Weather >> | BBC Sport >> | BBC News >>  
پرائیویسی ہمارے بارے میں ہمیں لکھیئے تکنیکی مدد