پیر 18 نومبر کا سیربین

پیر 18 نومبر کو نشر ہونے والے بی بی سی اردو سروس کے ٹی وی پروگرام سیربین کے چاروں حصے آپ اس صفحے پر دیکھ سکتے ہیں۔

سیربین ہفتے میں تین دن یعنی پیر، بدھ اور جمعے کو بی بی سی اردو ڈاٹ کام پر لائیو نشر کیا جاتا ہے۔ یہ پروگرام ایکسپریس نیوز پر بھی نشر کیا گیا تھا۔

پاکستان میں پولیس کی کارکردگی

اپ کی ڈیوائس پر پلے بیک سپورٹ دستیاب نہیں

آج کے پروگرام ميں ہم پوليس کے ايک ادارے کي حيثيت سے کارکردگي اور اِسے درپيش مسائل کا جائزہ ليں گے۔ ليکن آئيے پہلے اُس واقعے کا ذکر کرتے ہيں جس کي وجہ سے پوليس کو ايک مرتبہ پھر تنقيد کا نشانہ بنايا جا رہا ہے۔

راولپنڈی میں یومِ عاشور کے جلوس کے دوران فرقہ وارانہ جھڑپوں کے بعد نافذ کیا جانے والا کرفیو تو ختم کر دیا گیا تاہم شہر میں احتجاجی مظاہروں کے بعد حالات ایک مرتبہ پھر کشیدہ ہوگئے ۔ دوسري جانب صوبہ خیبر پختونخوا کے شہر کوہاٹ میں ایک جلوس پر فائرنگ کے نتیجے میں ایک پولیس اہلکار اور ایک عام شہری ہلاک ہو گيا۔ اسلام آباد سے محمود جان بابر کي رپورٹ

اس ساری صورت حال کو انتظامیہ اور پولیس کی ناقص منصوبہ بندی کا نتیجہ کہا جا رہا ہے۔ اِس قسم کے واقعات سے نمٹنے کے علاوہ دہشت گردی کي روک تھام کی توقع بھي پولیس سے کی جاتي ہے لیکن کیا وہ اس کے لیے پوری طرح تیار ہے؟ اسلام آباد سے ارم عباسی کی رپورٹ

اپ کی ڈیوائس پر پلے بیک سپورٹ دستیاب نہیں

پاکستان ميں پوليس کي کارکردگي اور اُسے درپيش مسائل ہے۔ اِس کي ايک مثال صوبہ خيبرپختونخوا ميں بھي نظر آتي ہے جہاں ضلع سوات سمیت صوبے کے مختلف اضلاع میں شدت پسندی کے خلاف جنگ سے نمٹنے کے لیے سپیشل پولیس فورس کے ہزاروں اہلکاروں کو عارضی بنیادوں پر بھرتی کیا گیا۔ تاہم ان اہلکاروں کو کوئی باقاعدہ تربیت نہیں دی گئی اور نہ ہی ان کو ابھی تک مستقل کیا جا سکا ہے۔ سوات سے رفعت اللہ اورکزئی کی رپورٹ۔

اِسي موضوع پر سابق سيکرٹري داخلہ تسنيم نوراني اور سينٹر فار پيس اينڈ ڈولپمنٹ انيشيٹو کے ڈائريکٹر مختار احمد علي سے گفتگو جاري رکھتے ہوئے ميں نے تسنيم نوراني سے پوچھا کہ سوات ميں بنا تربيت کے لوگوں کو عارضي بنيادوں پر پوليس ميں تعينات کيا گيا۔ ايسے ميں اپني جان کو داؤ پر لگانے کے ليے اِن لوگوں ميں کتنا جذبہ رہ جائے گا؟

قطر میں غير ملکي مزدوروں کا استحصال

اپ کی ڈیوائس پر پلے بیک سپورٹ دستیاب نہیں

قطر میں فٹبال ورلڈ کپ کے لیے تعمیراتی منصوبوں پر کام کرنے والے غير ملکي مزدوروں کے استحصال کي رپورٹس کے بعد ملکي حکام کا کہنا ہے کہ کارکنان کے حقوق کی حفاظت کے لیے بھرپور کوششیں کی جا رہی ہیں۔ لیکن ایمنسٹی انٹرنیشنل کی ایک نئی رپورٹ کے مطابق کارکنان مسلسل خطرناک حالات کا شکار ہیں۔

بی بی سی کے نامہ نگار انڈریو نارتھ نے نیپال کا سفر کیا جہاں سے ہزاروں مزدور قطر کا رخ کرتے ہیں۔

لبیا کے خفیہ ادارے کے سربراہ مصطفی نوح کو اُن کے اغواء کے ایک دن بعد رہا کر دیا گیا ہے۔ انہيں ترابلیس کے ہوائی اڈے پر نامعلوم مسلح افراد نے اغواء کر لیا تھا۔دريں اثناء ترابلیس میں ہفتے کو مسلح گروپوں کے درمیان ہونے والی پرتشدد جھڑپوں میں مرنے والوں کی تعداد چالیس ہوگئی ہے جبکہ کئي سو افراد زخمی ہوئے ہیں۔

ليبيا ميں جاري کشيدگي کے بارے ميں بی بی سی کے مشرقی وسطی کے ایڈیٹر جیرمی بیون کی رپورٹ

خلیجی ممالک میں ریت اور مٹی ایک سنگین مسئلہ

اپ کی ڈیوائس پر پلے بیک سپورٹ دستیاب نہیں

خلیجی ممالک میں ریت اور مٹی ایک انتہائی سنگین مسئلہ ہے۔ اس کی وجہ سے پروازوں کی منسوخی سے لیکر تیل کے کاروبار میں دشواریوں سمیت کئی مسائل جنم لیتے ہیں۔ یہ مسئلہ اب مزید سنگین صورت اختیار کر رہا ہے، خاص طور پر کویت میں۔ وہاں اس مسئلے کے حل کے لئے کیا تدبیریں استعمال کی جارہی ہیں؟ کویت سے جوناتھن فري وِن کی رپورٹ۔

بھارت کے ماسٹر بلے باز سچن تندولکر نے اپنے کریئر کا آخری میچ کھیلنے کے بعد کہا ہے کہ ان کي ريٹائرمنٹ کا یہ بالکل صحیح وقت تھا۔سچن تندولکر نے کہا ريٹائرمنٹ کے بعد بھي وہ کرکٹ سے ہميشہ منسلک رہيں گے ليکن في الحال وہ کچھ وقت اپنے گھروالوں کے ساتھ گزارنا چاہتے ہيں۔ سچن تندولکر نے اپنا آخري ٹيسٹ ميچ اپنے ہوم گراؤنڈ ممبئي کے وانکھيڑے سٹيڈيم ميں کھيلا اور سچن کو اُن کے شائقين نے جس طرح الوداع کہا وہ کم ہي کھلاڑيوں کو نصيب ہوتا ہے۔

ممبئی سے شکیل اختر کی رپورٹ ۔

اسی بارے میں