پارک میں فوجی سازوسامان
راولپنڈی میں واقع ایوب پارک کے ایک کونے میں کباڑ فوجی سازوسامان رکھا ہے
-
فوجی چھاؤنی راولپنڈی میں واقع ایوب پارک کے ایک کونے میں یہ شاید کباڑ فوجی سازوسامان رکھا ہے۔ گیٹ کھلا ہے اور نہ کوئی فوجی نہ چوکیدار، ہر کسی کو یہ بھاری مشینری دیکھنے کی اجازت ہے۔
-
ناکارہ ریڈار دور سے ایسے لگتے ہیں کہ شاید زیر استعمال ہیں۔ لیکن قریب جانے پر محسوس ہوتا ہے کہ ایسا کچھ نہیں۔
-
پاکستان فوج کے زیر استعمال ایک تباہ شدہ امریکی بیل ہیلی کاپٹر کا یہ بچا کھچا ڈیش بورڈ۔ جو پرزے اور آلات اتارے جاسکتے تھے اتار لیے گئے ہیں۔ یہی اب بچا ہے۔
-
تباہ شدہ ہیلی کاپٹر کا باقی ماندہ حصہ۔
-
جھاڑیوں میں گھِری توپ دیکھ کر محسوس ہوا کہ فوجی حکام اسے یہاں چھوڑ کر بھول گئے ہیں۔
-
ایوب پارک آنے والے چند چنچل جوڑوں کو تنہائی میں گفتگو کرنے کے لیے توپ سے بہتر جگہ دستیاب نہیں ہوئی۔
-
پرانی بکتر بند گاڑی۔ اتنی بھاری فولادی مشنری کو لوہے کے تاجر یقینا للچائی ہوئی نظروں سے دیکھتے ہوں گے۔
-
اس قدیم زنگ آلود ٹینک کے اردگرد درخت بتاتے ہیں کہ یہ یہاں سے کئی برسوں سے ایک انچ بھی نہیں ہلایا گیا ہے۔
-
یہ میزائل کے خول بھی دیکھنے کے لائق ہیں۔ اس قبرستان کو اگر عجائب گھر کا درجہ دے دیا جائے تو شاید کسی کی روزی روٹی چل سکتی ہے۔
-
اس حالت میں دیکھ کر عام آدمی کے لیے مشکل ہے کہ بتا سکے کہ یہ اصل میں ہے کیا۔
-
یہ ٹینک کبھی زمین کے سینے پر دندناتا ہو گا، لیکن یہ اس وقت عبرت کا مرقع بنا ہوا ہے۔
تصاویر
خوش نما دسترخوان اور خوش رنگ پکوان
- 26 اپريل 2018
جکارتہ میں مسلم فیشن فیسٹیول، تصاویر میں
- 23 اپريل 2018