ورلڈ ٹی 20: پاکستان بمقابلہ آسٹریلیا

  • 23 مار چ 2014

میرپور میں گروپ 2 کے میچ کی جھلکیاں

  • آسٹریلیا کے خلاف گروپ 2 کے میچ میں پاکستان کا آغاز اچھا نہ تھا اور آسٹریلوی ٹیم میں واپس آنے والے ڈگ بولنجر نے اپنی ٹیم کو دوسرے ہی اوور میں کامیابی دلوائی۔

  • کپتان محمد حفیظ پانچویں اوور میں شین واٹسن کی گیند پر بولڈ ہو کر پویلین لوٹ گئے۔

  • کامران اکمل نے تاہم ایک اینڈ سنبھالے رکھا اور 31 رنز کی اہم اننگز کھیلی۔

  • پاکستان کو 191 کے بڑے سکور تک پہنچانے کا سہرا عمر اکمل کے سر رہا جنھوں نے 53 گیندوں پر 94 رنز کی اننگز کھیلی۔

  • ان دونوں بھائیوں نے تیسری وکٹ کے لیے سکور میں 96 قیمتی رنز کا اضافہ کیا۔

  • اس میچ میں آسٹریلوی فیلڈنگ معیاری نہ رہی اور نہ صرف دو کیچ چھوٹے بلکہ کئی مس فیلڈنگز بھی ہوئیں۔

  • جوابی اننگز میں ابتدائی نقصان کے باوجود آسٹریلیا کے گلین میکسویل نے صرف 32 گیندوں پر چھ چھکوں اور سات چوکوں کی مدد سے 74 رنز کی اننگز کھیل کر میچ کو دلچسپ بنا دیا۔

  • میکسویل کا ساتھ ایرن فنچ نے دیا جنھوں نے وکٹ کے چاروں جانب دلکش سٹروک کھیلے اور نصف سنچری بنائی۔

  • آسٹریلیا کی طرح پاکستانی فیلڈنگ بھی ناقص رہی اور اہم مواقع پر دو کیچ چھوٹے۔

  • پاکستانی بولروں نے میچ پر آخری حصے میں گرفت مضبوط کی اور وکٹیں لے کر آسٹریلوی پیش قدمی روک دی۔

  • شاہد آفریدی کے ہاتھوں گلین میکسویل کی وکٹ میچ کا ٹرننگ پوائنٹ ثابت ہوئی۔

  • عمر گل نے بھی اختتامی اوورز میں عمدہ کارکردگی دکھائی اور فتح میں اہم کردار ادا کیا۔