امیروں کے نخرے

فوٹوگرافر نینسی بیرون کی کھینچی گئی یہ تصاویر پام سپرنگ نامی علاقے کی ہے جہاں مشہور اور امیر لوگ آرام اور تفریح کی غرض سے آتے ہیں۔

یہ جگہ ایک زمانے میں ہالی وڈ کے ستاروں کی منزل ہوا کرتی تھی۔

یہاں آپ کو بہترین گالف کورس اور صاف اور شفاف سوئمنگ پولز کے علاوہ لہراتے ہوئے کھجور کے درخت بھی ملیں گے۔

یہاں کی آبادی میں اکثریت کروڑ پتیوں کی ہے۔ تاہم یہاں کم آمدنی والے لوگ چھوٹے فلیٹوں اور ٹرالروں میں بھی رہ رہے ہیں۔

فوٹوگرافر نینسی بیرن کا کہنا ہے کہ انھیں کیمرے کی آنکھ سے ان لوگوں کا طرزِ زندگی دیکھنے کا شوق ہے۔

یہاں پیسے کی کمی نہیں ہے۔ لوگ اپنی سپورٹس کار کے ساتھ اسی رنگ کی میچنگ گھڑی پہنے نظر آتے ہیں۔

فوٹوگرافر نینسی بیرن کی ان تصاویر کی نمائش سات ستمبر سے 8 نومبر تک کیلیفورنیا کی ڈی این جی گیلری میں کی جائے گی۔ اس منصوبے کی کتاب مشہور ناشر کہرر نے شائع کی ہے۔