پارلیمنٹ کے سامنے دھرنا سٹی
دو وقت کا کھانا، آرام دہ خیمے، مفت طبی سہولیات
عوامی تحریک کے دھرنے میں شامل ہونے والے ہر فرد کے لیے رجسٹریشن کا بندوبست کیا گیا ہے۔
دھرنا انتظامیہ کا کہنا ہے کہ رجسٹریشن کے پہلے پانچ دنوں میں 70 ہزار افراد کو فارم جمع کروانے کے بعد یہ کارڈز بنا کر دیے گئے تھے۔
مربوط اور موثر انتظامیہ کے لیے مرکزی کنٹرول روم قائم کیا گیا ہے۔
ہر خیمے کو انفرادی نمبر اور یونٹ نمبر الاٹ کر دیا گیا ہے تاکہ رہائشیوں کو پہچاننا آسان ہو۔
ویسے تو دھرنے میں ہر ایک کو مفت کھانا فراہم کیا جاتا ہے جس پر ہر روز سات لاکھ روپے خرچ آتا ہے۔ البتہ بعض رہائشی اپنا کھانا خود پکانے کو ترجیح دیتے ہیں۔
وقت گزرنے کے ساتھ خیمے زیادہ آرام دہ اور خوبصورت ہوتے جا رہے ہیں۔
عوامی تحریک نے خواتین اور مردوں کا رہائشی علاقہ الگ الگ کر دیا گیا ہے۔
صفائی کی صورتِ حال بہتر ہونے سے بیماریوں کا سلسلہ بھی کم ہو گیا ہے۔ پھر بھی ہر طرح کی ادویات خیمہ بستی کے اندر موجود ہیں۔ گرفتاری کے خوف سے پولیس کے ساتھ جھڑپ میں زخمی ہونے والوں کے لیے مرہم پٹی اور چھوٹے آپریشن کے لیے سرجری روم تربیت یافتہ عملے کے ساتھ موجود ہے۔
بیت الخلا اور نہانے دھونے کا ابھی تک مناسب انتظام نہیں کیا جا سکا ہے۔