ریو اولمپکس کا تیسرا دن

ریو اولمپکس کے تیسرے روز بھی سنسنی خیز مقابلوں کا سلسلہ جاری رہا۔ میڈل ٹیبل پر اس وقت چین دس میڈلز کے ساتھ پہلے، سات میڈلز کے ساتھ آسٹریلیا دوسرے اور 13 میڈلز کے ساتھ امریکہ تیسرے نمبر پر موجود ہے۔

ٹینس کے خواتین کے مقابلوں میں امریکی ٹینس سٹار سرینا ولیمز، برطانوی ہیدر واٹسن، چیک ریپبلک کی پیترا کیوٹوا اور ڈیمارک کی کیرولینا وزنیاکی ریو اولمپکس کے دوسرے مرحلے میں پہنچ گئی ہیں۔

جاپان کی جانب سے آرٹسٹک جمناسٹک میں مرد کھلاڑیوں کی ٹیم نے گولڈ میڈل جیتا۔

ویٹ لفٹنگ کے 62 کلو گرام وزن میں مردوں کے مقابلوں میں کولمبیا نے سونے، انڈونیشیا نے چاندی اور قزاقستان نے کانسی کا تمغہ جیتا۔

خوتین کے رگبی کے مقابلوں میں آسٹریلیا نے طلائی جبکہ نیوزی لینڈ نے چاندی کا تمغہ حاصل کیا۔

کشتی رانی کے مقابلوں میں اب تک کروشیا پہلے، روس دوسرے اور نیدرلینڈ تیسرے نمبر پر موجود ہے۔

تیر اندازی کے مقابلوں میں ایلیمینیشن راؤنڈ جاری ہے۔

جمناسٹک میں جاپان کے علاوہ روس نے چاندی اور چین نے کانسی کا تمغہ حاصل کیا۔