پاکستانی فوج کے لیفٹیننٹ کرنل شاہد کھائی میں گر کر ہلاک

تصویر کے کاپی رائٹ ISPR
Image caption آئی ایس پی آر کے مطابق یہ حادثہ سنیچر کی رات آٹھ بجے پیش آیا

پاکستانی فوج کا کہنا ہے کہ فوج کے ایک لیفٹیننٹ کرنل شاہد راولپنڈی سے نوشہرہ جاتے ہوئے کھائی میں گر کر ہلاک جب کہ میجر جلال شدید زخمی ہو گئے۔

فوج کے تعلقات عامہ (آئی ایس پی آر) کی جانب سے جاری بیان کے مطابق ہلاک ہونے والے لیفٹیننٹ کرنل شاہد اور زخمی میجر جلال ہفتے کی شام فوجی قافلے کے ساتھ راولپنڈی سے نوشہرہ جا رہے تھے۔

آئی ایس پی آر کے مطابق یہ حادثہ سنیچر کی رات آٹھ بجے پیش آیا۔

بیان کے مطابق راستے میں کنٹینر کے باعث رکاوٹیں تھیں جس پر دونوں افسران اپنی گاڑیوں سے اتر کر قافلے کے لیے متبادل راستہ تلاش کرنے کے لیے پیدل جا رہے تھے۔

لیفٹیننٹ کرنل شاہد اور میجر جلال رات کے اندھیرے کے باعث حضرو کے قریب موٹر وے سے متصل گہری کھائی میں گر گئے۔

لیفٹیننٹ کرنل شاہد موقع پر ہی دم توڑ گئے جب کہ میجر جلال زخمی ہوگئے۔