لاہور میں دھماکہ، جائے وقوع کی تصاویر
لاہور کے علاقے ڈیفینس میں ہونے والے ایک بم دھماکے میں کم از کم چھ افراد ہلاک ہو گئے ہیں۔
،تصویر کا ذریعہGetty Images
لاہور میں جمعرات کی دوپہر ہونے والے ایک دھماکے میں کم از کم چھ افراد ہلاک اور متعدد زخمی ہو گئے ہیں۔
،تصویر کا ذریعہAFP
یہ دھماکہ شہر کے متمول علاقے ڈیفینس ہاؤسنگ اتھارٹی کی کمرشل مارکیٹ میں واقع ایک ریستوران کی عمارت میں ہوا۔
،تصویر کا ذریعہAFP
پنجاب کے وزیرِ قانون رانا ثنا اللہ نے پاکستانی ذرائع ابلاغ سے بات کرتے ہوئے کہا کہ دھماکہ جس عمارت میں ہوا وہاں تعمیراتی کام جاری تھا۔
،تصویر کا ذریعہGetty Images
بی بی سی اردو کے عمر ننگیانہ کے مطابق ریسکیو 1122 کے حکام کا کہنا ہے کہ اب تک اس دھماکے میں چھ افراد کی ہلاکت کی تصدیق ہو چکی ہے جبکہ 30 افراد زخمی ہیں جن میں سے چار کی حالت نازک ہے۔
،تصویر کا ذریعہAFP
زخمیوں میں سے 13 کو نیشنل ہسپتال جبکہ 17 کو جنرل ہسپتال منتقل کر دیا گیا ہے۔
دھماکے کے بعد بم ڈسپوزل سکواڈ اور شعبۂ انسدادِ دہشت گردی کے اہلکار اور افسران بھی جائے وقوعہ پر پہنچ گئے۔