گذشتہ ہفتے کا پاکستان: تصاویر

گذشتہ ہفتے پاکستان میں پاناما کیس کا فیصلہ سنایا گیا جس کا کئی ماہ سے انتظار کیا جا رہا تھا۔ سپریم کورٹ کی جانب سے اکثریتی فیصلے کے بعد نون لیگ کے عہدیداروں اور کارکنوں نے خوشی کا اظہار کیا۔

پاناما کے فیصلے کے بعد ملک بھر میں نون لیگ کے کارکنوں نے جشن منایا۔

جہاں حکمران جماعت کے کارکنوں اور رہنماؤںنے پاناما کیس کے فیصلے پر جشن منایا وہیں تحریک انصاف کے چیئرمین عمران خان نے ایک بار پھر وزیراعظم سے مستعفی ہونے کا مطالبہ کرتے ہوئے کہا کہ اس فیصلے کے بعد اب نواز شریف کے پاس وزیراعظم کے عہدے پر رہنے کا اخلاقی جواز نہیں رہا۔

گذشتہ ہفتے بھی ملک بھر میں مردان کی عبدالولی خان یونیورسٹی میں توہین مذہب کے الزام میں قتل کیے جانے والے طالب علم مشال خان کے قتل کے خلاف مظاہرے کیے گیے۔

پاکستان کے شہر لاہور میں محکمہ انسداد دہشت گردی نے دعویٰ کیا کہ گذشتہ ہفتے لاہور کے علاقے میں کارروائی کے دوران حراست میں لی گئی خاتون حیدر آباد سے لاپتہ ہونے والی لڑکی نورین لغاری ہے۔

کراچی میں گذشتہ ہفتے شروع ہونے والی پولیو مہم کے دوران پولیو ورکر بچوں کو پولیو کے قطرے پلا رہی ہیں۔

گذشتہ ہفتے ملک بھر میں شدید گرمی رہی۔