گذشتہ ہفتے کا پاکستان تصاویر میں

جمعے کو مستونگ میں جمعیت علمائے اسلام فضل الرحمن گروپ کے رہنما اور ڈپٹی چییرمین سینیٹ مولانا عبدالغفور حیدری کے قافلے کے قریب بم دھماکہ ہوا جس میں 25 افراد ہلاک ہوئے۔ مولانا عبدالاغفور حیدری معمولی زخمی ہوئے۔ اس حملے کے خلاف کراچی میں ہونے والے احتجاج کی ایک جھلک۔

13 مئی کو جماعت الدعوۃ کے امیر حافظ سعید کی گھر میں نظر بندی کے تین ماہ مکمل ہونے پر انھیں پولیس کی تحویل میں لاہور کی عدالت میں لایا گیا۔

اسلامی مہینے شعبان کی 14 اور 15 تاریخ کی درمیانی شب خصوصی عبادات کی جاتی ہیں۔ اس موقع پر لوگوں کی بڑی تعداد دعا کے لیے قبرستان کا رخ کرتی ہے۔

شبِ برات کے موقع پر مساجد میں چراغاں بھی کیا جاتا ہے اور خصوصی عبادات کی جاتی ہیں۔

یہ لاہور کے نواحی علاقے کا ایک منظر ہے۔ تصویر میں دکھائی دینے والے بچے ان 90 ہزار بچوں میں شامل ہیں جو پہلے اینٹوں کے بھٹے پر کام کرتے تھے لیکن اب سکول جاتے ہیں جبکہ ان کے والدین کو حکومت کی جانب سے پیسے بھی دیے جا رہے ہیں۔

پاکستان کے دارالحکومت اسلام آباد کے نواح میں ایک نوجوان درجہ حررت 43 ڈگری سینٹی گریڈ تک پہنچنے پر شدید گرمی سے بچنے کی کوشش کرتے ہوئے۔

پی ٹی اے حکام کی جانب سے موبائل استعمال کرنے والے صارفین کو ارسال کیا گیا پیغام جس میں کہا گیا تھا کہ کسی بھی قسم کا توہین آمیز مواد شائع کرنا یا اسے شیئر کرنا قانونی طور پر قابلِ سزا جرم ہے۔ قانون ہاتھ میں لینے کے بجائے اس قسم کا کوئی بھی مواد دیکھنے پر اطلاع پی ٹی اے حکام کو دیں۔