انڈیا پاکستان گنڈا سنگھ بارڈر پر 200 فٹ بلند پاکستانی پرچم

پاکستان

،تصویر کا ذریعہISPR

پاکستان نے صوبہ پنجاب میں پاکستان اور انڈیا کے درمیان گنڈا سنگھ بارڈر میں 200 فٹ بلندی پر پاکستانی پرچم لہرایا گیا ہے۔

آئی ایس پی آر کے مطابق بانی پاکستانی محمد علی جناح کے یوم پیدائش کے موقع پر گنڈا سنگھ بارڈر پر منعقدہ تقریب میں پرچم لہرایا گیا۔

خیال رہے کہ انڈیا نے رواں برس مارچ میں لاہور سے متصل اٹاری سرحد پر 360 فٹ بلند پول نصب کر کے اس پر جھنڈا لہرایا تھا جبکہ اسی سال اگست میں پاکستان کی جانب سے اٹاری کے بالکل سامنے واہگہ سرحد پر 380 فٹ اونچے پول پاکستانی پرچم نصب کیا گیا تھا۔

واضح رہے کہ مارچ میں اٹاری سرحد پر انڈیا کی جانب سے 360 فٹ اونچے پول پر نصب 120 فٹ لمبا اور 80 فٹ چوڑا لہرایا گیا تھا۔ یہ پرچم کئی بار تیز ہواؤں کی وجہ سے پھٹا اور نصب کیے جانے کے بعد حکام کو ایک ماہ کے عرصے میں تین بار سوا لاکھ انڈین روپے کی لاگت سے تین بار پرچم کو تبدیل کرنا پڑا تھا۔

اس مسئلے کے بعد مقامی سطح پر مطالبات کیے گئے کہ پرچم کی کوالٹی کو بہتر بنایا جائے تاکہ یہ نہ پھٹے یا پھر تکنیکی رپورٹ طلب کی جائے تاکہ تیز ہواؤں کے باعث پرچم پھنٹے کے واقعات نہ ہوں۔

،تصویر کا کیپشن

انڈیا نے رواں برس مارچ میں لاہور سے متصل اٹاری سرحد پر 360 فٹ بلند پول نصب کر کے اس پر جھنڈا لہرایا تھا