سلمان خان کو جیل، ٹوئٹر پر ہلچل

سلمان خان تصویر کے کاپی رائٹ EPA

کالے ہرن کے شکار مقدمے میں اداکار سلمان خان کو جودھپور کی ایک عدالت نے قصوروار قرار دیا ہے۔

عدالت نے سلمان خان کو پانچ سال کی سزا سنائی ہے اور ساتھ ہی دس ہزار روپے جرمانہ بھی کیا ہے۔ ساتھ ہی اسی کیس میں اداکارہ تبو، سونالی بیندرے، نیلم اور اداکار سیف علی خان کو بری کر دیا گیا ہے۔

یہ مقدمہ تقریباً 20 سال پرانا ہے، جب 1998 میں جودھپور کے باہر ایک علاقے میں دو کالے ہرنوں کا شکار کرنے کے الزام میں مقدمہ درج کیا گیا تھا۔

سلمان کو سزا، سوشل میڈیا پر طوفان!

خبر آتے ہی سلمان خان کے مداحوں اور ان کے ناقدین دونوں ہی نے ٹوئٹر پر اپنے خیالات کا اظہار شروع کر دیا۔

تصویر کے کاپی رائٹ TWITTER
Image caption سبھاش گھائی

ہدایت کار اور فلم ساز سبھاش گھائی نے لکھا کہ ’سیشنز کورٹ کے اس فیصلے سے مجھے گہرا صدمہ پہنچا ہے، لیکن مجھے عدالتی نظام پر پورا بھروسہ ہے جس میں انصاف کے حصول کے لیے اپیل کی گنجائش باقی ہے۔ سلمان خان انسان دوست اور انڈسٹری اور عوام کے چہیتے اداکار ہیں۔‘

تصویر کے کاپی رائٹ TWITTER
Image caption ارجُن رامپال

اداکار ارجُن رامپال نے ٹویٹ کیا کہ ’قانون نے اپنی راہ لی ہے۔ اس پر کوئی بحث نہیں۔ لیکن اس وقت میں بہت بےبس محسوس کر رہا ہوں۔ سلمان اور ان کے خاندان کے بارے میں سوچ کر میرا دل بھر آتا ہے۔ ؟ کیونکہ سلمان خان کسی بھی حال میں ایک مجرم نہیں۔ میرے خیال میں یہ سزا بہت سخت ہے۔ میں امید کرتا ہوں کہ انھیں ریلیف ضرور ملے گا۔‘

تصویر کے کاپی رائٹ TWITTER
Image caption احتشام الحق

اور صرف انڈیا ہی نہیں ان کے پاکستانی مداحوں نے بھی ٹوئٹر پر اپنے غم کا اظہار کیا۔ صحافی احتشام الحق نے لکھا، ’سلمان خان ایک نہایت ہی نفیس اور اچھے انسان ہیں۔ میں کچھ ماہ پہلے ان سے لندن میں ملا تو ان سے پوچھا کہ پاکستان میں ان کے اتنے سارے فینز ہیں، وہ کبھی پاکستان کیوں نہیں آتے، تاکہ ان کے فینز اپنے ہیرو سے ملیں۔ انہوں نے وعدہ کیا تھا کہ وہ جلد پاکستان آئیں گے۔ مگر اب مجھے نہیں معلوم کہ ایسا کب ممکن ہو سکے گا :(‘

تاہم کئی ٹوئٹر صارفین نے اس فیصلے کا خیرمقدم بھی کیا۔

تصویر کے کاپی رائٹ TWITTER
Image caption پارتھ وادھیر

پارتھ وادھیر نے لکھا کہ ’آخر کار مجرم سلمان خان کو سزا ہوئی۔ انصاف ہوا۔ راجستھان کی اس عدالت کو میرا سلام۔‘

اسی بارے میں