15 وزرا اور پانچ مشیروں پر مبنی 20 رکنی کابینہ کی منظوری، وزیر داخلہ کا اعلان نہیں کیا گیا

عمران تصویر کے کاپی رائٹ EPA/PRESS INFORMATION DEPARTMENT

پاکستان تحریک انصاف کے چیئرمین اور وزیر اعظم پاکستان عمران خان نے 15 وزرا اور پانچ مشیروں پر مشتمل 20 رکنی وفاقی کابینہ کی منظور دے دی ہے۔

پاکستان تحریک انصاف کے ترجمان فواد چوہدری جن کا نام وزیر برائے اطلاعات و نشریات کے طور پر منظور کیا گیا ہے نے 20 رکنی کابینہ کے ناموں کا اعلان ٹویٹر پر کیا۔

منظور کردہ کابینہ کے مطابق شاہ محمود قریشی وزارت خارجہ کا قلمدان سنھالیں گے تاہم وزیر برائے داخلہ کے نام کا اعلان نہیں کیا گیا۔

خیبر پختونخوا کے سابق وزیر اعلیٰ پرویز خٹک کو وزیر دفاع کا قلمدان دیا گیا ہے۔

وزیراعظم عمران خان نے وفاقی کابینہ میں اتحادی جماعتوں کو بھی شامل کیا ہے اور ان کو چھ اہم وزارتیں سونپی ہیں۔

متحدہ قومی موومنٹ پاکستان کو دو وزارتیں دی گئی ہیں، وزارت قانون اور انفارمیشن ٹیکنالوجی کی وزارت۔

عوامی مسلم لیگ کے سربراہ شیخ رشید کو ریلوے کی وزارت کا قلمدان سونپا گیا ہے۔

سابق سپیکر قومی اسمبلی اور گرینڈ ڈیموکریٹک الائنس کی رہنما ڈاکٹر فہمیدہ مرزا کو وزیر برائے بین الصوبائی رابطہ کا قلمدان جبکہ بلوچستان عوامی پارٹی کی رکن اسمبلی زبیدہ جلال کو دفاعی پیداوار کی وزارت دینے کی منظوری دی گئی ہے۔

بہاولپور کے حلقے این اے 172 سے منتخب ہونے والے پاکستان مسلم لیگ (ق) کے چوہدری طارق بشیر چیمہ کو ریاستی و سرحدی امور کی وزارت سونپی گئی ہے۔

وزرا اور وزارتیں

نام جماعت وزارت
ڈاکٹر محمد فروغ نسیم ایم کیو ایم پاکستان قانون و انصاف
چوہدری طارق بشیر چیمہ مسلم لیگ قاف ریاستی و سرحدی امور
نور الحق قادری پی ٹی آئی مذہبی امور
ڈاکٹر شیریں مزاری پی ٹی آئی انسانی حقوق
غلام سرور خان پی ٹی آئی پیٹرولیم
زبیدہ جلال بلوچستان عوامی پارٹی دفاعی پیداوار
فواد احمد پی ٹی آئی اطلاعات و نشریات
عامر محمود کیانی پی ٹی آئی صحت
مخدوم شاہ محمود حسین قریشی پی ٹی آئی خارجہ
پرویز خٹک پی ٹی آئی دفاع
اسد عمر پی ٹی آئی خزانہ
شیخ رشید احمد عوامی مسلم لیگ ریلوے
ڈاکٹر فہمیدہ مرزا گرینڈ ڈیموکریٹک الائنس بین الصوبائی رابطہ
خالد مقبول صدیقی ایم کیو ایم پاکستان انفارمیشن ٹیکنالوجی
شفقت محمود پی ٹی آئی تعلیم

وزیراعظم کے پانچ مشیر

نام مشیر
شہزاد ارباب اسٹیبلشمنٹ
عبدالرزاق داؤد تجارت، ٹیکسٹائل، صنعتی پیداوار
ڈاکٹر عشرت حسین ادارہ جاتی اصلاحات
امین اسلم ماحولیاتی تبدیلی
بابر اعوان پارلیمانی امور

اسی بارے میں