گذشتہ ہفتے کا پاکستان
پاکستان میں گذشتہ ہفتے پیش آنے والے اہم واقعات کی تصویری جھلکیاں
،تصویر کا ذریعہ AFP/Getty Images
کراچی میں منعقدہ فیشن ویک میں مختلف ڈیزائنر کے ملبوسات پیش کیے گئے۔ یہاں فیشن برانڈ نائن لائنز کو پیش کرتے ہوئے ماڈلز کو دیکھا جا سکتا ہے۔
،تصویر کا ذریعہEPA
پاکستان کے صوبہ بلوچستان کے ضلع گوادر میں نامعلوم مسلح افراد نے 14 افراد کو گولیاں مار کر ہلاک کر دیا۔ یہ واقعات اورماڑہ میں بدھ اور جمعرات کی درمیانی شب پیش آئے۔
،تصویر کا ذریعہGetty Images
18 اپریل بروز جمعرات پاکستان کے وزیر خزانہ اسد عمر نے ایک ٹویٹ کے ذریعے کابینہ سے الگ ہونے کا اعلان کیا۔ انھوں نے وزیر توانائی کا عہدہ سنبھالنے سے انکار کیا اور مستعفیٰ ہو گئے۔
،تصویر کا ذریعہAFP
جمعرات کی شام قذافی اسٹیڈیم لاہور میں چیف سلیکٹر انضمام الحق نے پریس کانفرنس میں 2019 کرکٹ ورلڈ کپ سکواڈ کا اعلان کیا۔ پاکستانی ٹیم میں سرفراز احمد ( کپتان)، فخرزمان، امام الحق، بابراعظم، حارث سہیل، محمد حفیظ۔ شعیب ملک، شاداب خان، حسن علی، شاہین شاہ آفریدی، محمد حسنین، عماد وسیم، فہیم اشرف، عابدعلی اور جنید خان شامل ہیں۔
،تصویر کا ذریعہEPA
19 اپریل کو پاکستان میں مسیحی برادری نے گُڈ فرائیڈے منایا۔ اس موقع پر لاہور کے گرجا گھر میں عبادت کا ایک منظر۔
،تصویر کا ذریعہEPA
پنجاب سمیت پاکستان بھر میں مغرب سے آنے والے موسمی سلسلے کے باعث حالیہ دنوں میں ہونے والی بارش نے فصلوں کو شدید نقصان پہنچایا۔ کسانوں کی گندم کی کھڑی فصلیں تباہ ہو گئی ہیں۔
،تصویر کا ذریعہAFP/Getty Images
20 اپریل بروز ہفتہ لاہور کی اس مسجد کو شب برات کے موقع پر رنگ برنگی روشنیوں سے سجایا گیا۔ دنیا بھر میں مسلمان اس رات عبادت کا اہتمام کرتے ہیں۔
،تصویر کا ذریعہAFP/Getty Images
کراچی میں منعقدہ 'ہم شوکیس' فیشن ویک میں ماڈلز کو ڈیزائنر ثنا صفی ناز کے ملبوسات کو پیش کرتے یہاں دیکھا جا سکتا ہے۔