PakistaniTakeOver#: سوشل میڈیا پر ’پاکستانی ٹیک اوور‘ ٹاپ ٹرینڈ، آخر اس کی وجہ کیا ہے؟

کومل تصویر کے کاپی رائٹ Twitter/@ArmedWithWords

پاکستان میں بدھ سے اور جمعرات کو بھی سوشل میڈیا پر ایک منفرد ہیش ٹیگ ٹرینڈ کر رہا ہے جس سے مراد ہے کہ پاکستانیوں نے دوسروں پر سبقت حاصل کر لی ہے۔

وہ ٹرینڈ ہے PakistaniTakeOver #

لیکن لوگ اس کے وائرل ہونے کے باوجود یہ سمجھنے سے قاصر ہیں کہ اس کے ٹاپ ٹرینڈ بننے کی وجہ کیا ہے۔

’پاکستانی ٹیک اوور‘ کے نام سے اس ٹرینڈ میں اکثر لوگ اپنی تصاویر شیئر کر رہے ہیں۔ اس کے باوجود بہت سے لوگ اپنی لاعلمی ظاہر کرتے یہ کہتے رہے کہ ’پاکستانی ٹیک اوور آخر ہے کیا؟‘

یہ ممکن ہے کہ پچھلے دنوں ’بنگالی ٹیک اوور‘ کے ٹرینڈ نے پاکستانیوں کو متاثر کیا ہو اور انھوں نے بھی اپنا ایک اسی طرز کا ٹرینڈ وائرل کرنے کی ٹھان لی۔

یہ بھی پڑھیے

حریم شاہ نے وائرل ویڈیو کس سرکاری عمارت میں بنائی؟

ٹوئٹر پر جعلی ٹرینڈ؟ قیمت دو سو ڈالر

انڈیا،پاکستان کی آرٹسٹ نے مل کر دو دن تک کیا رنگ بکھیرے

ٹوئٹر پر ٹرینڈز کی جنگ

اس میں ایسا خاص کیا ہے؟

پاکستانی ٹیک اوور میں ملک کے اندر اور باہر پاکستانی بھی بڑھ چڑھ کر حصہ لے رہے ہیں۔

اس سے متعلق پہلے چند ٹویٹ 22 اکتوبر کو سامنے آئے جب کچھ نوجوان لڑکے اور لڑکیوں نے اپنی تصاویر لگاتے ہوئے دوسروں سے گزارش کی کہ وہ بھی اپنی بہترین تصاویر پوسٹ کریں۔

اس بارے میں صفیہ نامی ایک صارف کا ٹویٹ اہم تھا۔ ان کے پیغام کے ردعمل میں کئی لوگوں نے اپنی تصاویر شیئر کیں اور تعریفیں وصول کیں۔

پھر دیکھتے ہی دیکھتے اس ٹرینڈ کی چھتری تلے 23 اور 24 اکتوبر کو ٹوئٹر پر پاکستانیوں کی تصاویر کی بھرمار ہوگئی۔

دلچسپ بات یہ ہے کہ اس ہیش ٹیگ سے متعلق ایک بڑی تعداد میں ٹویٹ انڈیا، برطانیہ، سعودی عرب اور امریکہ سے بھی کیے گئے ہیں۔

کیاپاکستانی بنگالیوں سے متاثر؟

بات اتنی سادہ نہیں کہ ایک دن پاکستانی اٹھے اور اس ہیش ٹیگ پر تصاویر پوسٹ کرنے لگے۔ اس سے قبل بنگالی ٹیک اوور، افغان ٹیک اوور اور انڈین ٹیک اوور بھی ٹرینڈ کرتے رہے ہیں۔

مختلف علاقوں میں رہنے والے لوگ ان ہیش ٹیگز کی مدد سے اپنی روایتی ثقافت اور منفرد انداز پیش کر رہے ہیں تاکہ دنیا انھیں پہچان سکے۔

بعض لوگوں نے دعویٰ کیا کہ پاکستانیوں نے اپنا ہیش ٹیگ بنگالیوں سے متاثر ہو کر بنایا۔

اس بات پر ایک صارف کا کہنا تھا کہ ’میں پاکستانی بھی ہوں اور بنگالی بھی۔ مجھے تو بس اپنی تصاویر پوسٹ کرنے کا ایک موقع مل گیا‘۔

اسی بارے میں