#MyMentalHealthIn3Words: سوشل میڈیا پر صارفین ذہنی صحت کو کیسے بیان کر رہے ہیں؟

ٹوئٹر تصویر کے کاپی رائٹ Getty Images

کیا آپ ہر وقت اداس، مایوس یا غصے میں رہتے ہیں یا آپ کو مستقل پریشانی یا کوئی خوف ستا رہا ہے؟ آپ اپنی ذہنی کیفیت کے متعلق کیسا محسوس کر رہے ہیں؟

اگر یہ سوالات کوئی آپ سے پوچھے تو شاید آپ ان کے جوابات روزمرہ کی زندگی میں دینا پسند نہ کریں، مگر سوشل میڈیا پر صارفین اکثر ایسے ہی موضوعات پر بات کرتے دکھائی دیتے ہیں جن پر ہم روز مرہ کی زندگی میں بات کرنے سے کتراتے یا گھبراتے ہیں۔

آج ٹوئٹر پر پاکستان سمیت دنیا بھر میں ذہنی صحت سے متعلق ایک ٹوئٹر ٹرینڈ ’مائی مینٹل ہیلتھ ان تھری ورڈز‘ یعنی ’تین الفاظ میں میری ذہنی صحت‘ مقبول ہے۔ اس ٹرینڈ میں صارفین ذہنی صحت کے متعلق آگاہی اور اپنے ذاتی احساسات کو تین الفاظ میں بیان کر رہے ہیں۔

ٹوئٹر پر جہاں اس ٹرینڈ میں اکثر صارفین نے اپنی ذہنی صحت کو بیان کرتے ہوئے مثبت پیغام دیا وہی چند صارفین نے اس متعلق اپنی تکلیف اور دکھ کا بھی اظہار کیا ہے۔

یہ بھی پڑھیے

پاکستان میں RestoreFarhanKVirk# کیوں ٹرینڈ کر رہا ہے؟

ٹوئٹر کا رپورٹنگ نظام ’جتھوں کے ہاتھ میں ہتھیار کی مانند‘

وہ رات جب ڈالر گوگل پر 76 روپے کا ہو گیا

پاکستانی ٹوئٹر پر ’سنتھیا‘ کا نام کیوں ٹرینڈ کر رہا ہے؟

جویرئیہ نامی ایک ٹوئٹر صارف نے اپنی ذہنی صحت کو تین الفاظ میں ٹویٹ کرتے ہوئے لکھا کہ ’وہ اپنی بقا کے لیے کوشش اور جدوجہد کر رہی ہے۔‘

مہک نامی ٹوئٹر صارف نے ٹویٹ کیا کہ ’وہ ایک خوش رہنے والی انسان ہیں اور کچھ عرصہ ایسے ہی رہنے کی امید کرتی ہیں۔

جبکہ منعم حنفی نامی صارف نے اپنی ذہنی صحت کو تین الفاظ میں بیان کرتے ہوئے لکھا کہ ’وہ ہمیشہ تناؤ کا شکار رہتی ہیں۔‘

راحت رحمان نامی ٹوئٹر صارف نے سماجی زندگی کے ذہنی صحت پر پڑنے والے اثرات کے متعلق بات کرتے ہوئے ٹویٹ کیا کہ ’وہ ہر روز ایک نیا ماسک پہنتے ہیں اور اب ان کو یہ بھی علم نہیں کہ ان کا اصل چہرہ کون سا ہے۔‘

تاہم ایک اور ٹوئٹر صارف کا کہنا تھا کہ ان کے ذہنی صحت اچھی ہے اور حالات ’ان کے قابو میں ہیں۔‘

ایک اور صارف نے ذہنی مسائل کا سامنا کرنے اور ذہنی صحت کے متعلق بات کرتے ہوئے لکھا کہ ’آپ کی ذہنی صحت بھی اتنی ہی اہم ہے جتنی کہ آپ کی جسمانی صحت۔‘

ایک ٹوئٹر صارف نے مثبت انداز میں سب کی حوصلہ افزائی کرتے ہوئے کچھ یوں ٹویٹ کیا۔

فرحان نامی ٹوئٹر صارف نے بھی ذہنی صحت سے متعلق مثبت ٹویٹ کچھ اس انداز میں کی۔

ڈپریشن سے لڑنے اور ذہنی صحت کے متعلق بات کرتے ہوئے ڈاکٹر سلمان خان نامی ایک صارف نے بھی مثبت انداز میں اس پر روشنی ڈالی۔

ایک اور صارف نے ڈپریشن جیسے اہم مسئلے پر بات کرتے ہوئے کچھ اس طرح ٹویٹ کیا۔

اسی ٹرینڈ کو دیکھتے ہوئے چند غیر سرکاری تنظیموں کی جانب سے بھی ڈپریشن کی آگاہی اور ذہنی صحت کی اہمیت کو اجاگر کرتے ہوئے ٹویٹس کی گئیں، ان ہی میں سے ایک نے کچھ یوں ٹویٹ کرتے ہوئے ذہنی مسائل سے نمٹنے کے لیے صارفین کی حوصلہ افزائی کی۔

جبکہ ایک اور تنظیم کی جانب سے ذہنی صحت کے حصول کے لیے چند ایک مشورے بھی دیے گئے۔

متعلقہ عنوانات

اسی بارے میں