سورج گرہن: پاکستان سمیت دنیا بھر میں دہائی کے آخری سورج گرہن کے نظارے

ابو ظہبی تصویر کے کاپی رائٹ Reuters
Image caption ابو ظہبی سمیت دنیا کے کئی علاقوں میں مکمل سورج گرہن دیکھا گیا۔ پاکستان میں سورج گرہن کا آغاز جمعرات کی صبح ساڑھے سات بجے ہو گیا تھا

پاکستان سمیت ایشیا کے مختلف ممالک اور شمالی اور مغربی آسٹریلیا، بحیرہ اوقیانوس اور بحیرہ ہند میں سورج گرہن کا آغاز ہوگیا ہے اور اس کا دورانیہ چھ گھنٹے کے قریب ہوگا۔

محکمہ موسمیات کے مطابق دنیا کے مختلف ممالک میں اس سورج گرہن کا آغاز پاکستان کے معیاری وقت کے مطابق صبح سات بج کر 30 منٹ پر ہوا اور یہ دوپہر ایک بج کر چھ منٹ پر ختم ہوگا۔

مگر پاکستان میں سورج گرہن جزوی طور پر ہی دیکھا جا سکے گا اور تقریباً ڈھائی گھنٹے کے لیے نظر آئے گا۔

مزید پڑھیے

151 سال بعد بلیو مون کو گرہن لگنے کا نظارہ 31 جنوری کو

امریکہ میں دہائیوں بعد مکمل سورج گرہن کا نظارہ

دنیا بھر میں سرخ چاند کے مناظر

پاکستان کے سب سے جنوبی شہر کراچی میں اس کا آغاز صبح 7 بج کر 34 منٹ پر ہوا اور یہ 8 بج کر 46 منٹ پر اپنے عروج پر ہوگا، جبکہ 10 بج کر 10 منٹ پر ختم ہوجائے گا۔

جبکہ اسلام آباد میں اس کا آغاز 7 بج کر 50 منٹ پر ہوا اور 10 بج کر 15 منٹ پر یہ ختم ہوجائے گا، تاہم دارالحکومت اسلام آباد پنجاب کے مختلف شہروں میں ابھی تک دھند چھٹ نہیں سکی ہے۔

محکمہ موسمیات کی جانب سے جاری تحریری بیان کے مطابق پاکستان کے مرکزی شہروں اسلام آباد، کراچی، کوئٹہ، لاہور، پشاور، گلگت اور پاکستان کے زیر انتظام کشمیر کے دارالحکومت مظفرآباد میں بھی سورج گرہن درج ذیل اوقات میں دیکھا جا سکے گا۔

تصویر کے کاپی رائٹ Met office Pakistan

خیال رہے کہ سورج گرہن اس وقت وقوع پذیر ہوتا ہے جب چاند اپنے مدار میں چکر لگاتے ہوئے زمین اور سورج کے درمیان آ جاتا ہے۔

سورج گرہن کے موقع پر لوگوں کو ہمیشہ احتیاط برتنے کے لیے کہا جاتا ہے۔ ماہرین مشورہ دیتے ہیں کہ وہ سورج کو براہِ راست نہ دیکھیں اور مخصوص چشمے کا استعمال کریں۔

ماہرین کا کہنا ہے سورج گرہن کے وقت:

  • سورج کو کوئی فلٹر استعمال کیے بغیر نہ دیکھیں
  • گرہن دیکھنے کے لیے بنائے گئے ایسے چشمے کو استعمال نہ کریں جو تین سال پرانا ہو
  • گھر پر بننے والے سولر فلٹر استعمال نہ کریں
  • بغیر فلٹر کے کیمرے استعمال نہ کریں
  • گرہن دیکھنے کے لیے دھوپ کی عینک کا استعمال ہرگز نہ کریں
تصویر کے کاپی رائٹ Getty Images

ٹیلی سکوپ جس میں فلٹر لگا ہو وہ بھی استعمال نہیں کی جانی چاہیے کیونکہ فلٹر میں اگر باریک سے باریک سوراخ بھی ہو تو اس سے بھی لمحوں کے اندر انسانی آنکھ کا ریٹینا ہمیشہ کے لیے تباہ ہوسکتا ہے۔

یونیورسٹی آف کیلیفورنیا کے امراض پر کنٹرول کرنے سے متعلق سینٹر کے مطابق گرہن لگنے کے موقع پر سورج کو براہ راست نہیں دیکھنا چاہیے اس سے نظر پر منفی اثرات مرتب ہوتے ہیں۔ اس سے آنکھ کی دیکھنے کی صلاحیت مکمل طور پر متاثر ہو سکتی ہے۔ آنکھ میں موجود ریٹینا خراب ہوتا ہے اور کوئی بھی چیز دیکھنے کی صلاحیت پر اثر پڑتا ہے۔

اس سے قبل طویل ترین سورج گرہن سنہ 1994 اور پھر جنوری 2010 میں ہوا تھا۔

سوشل میڈیا پر گرہن کے چرچے

دنیا بھر میں سوشل میڈیا پر #solarsclipse2019 ٹاپ ٹرینڈ تھا اور صارفین نے اپنے اپنے علاقوں سے گرہن کی دلچسپ اور خوبصورت تصاویر شیئر کیں۔

ایک انڈین ڈاکٹر نے ٹوئٹر پر چند تصاویر شیئر کیں جن میں ’پِن ہول کیمرا‘ کے اصول کے مطابق گرہن کا محفوظ طریقے سے مشاہدہ کرنے کا سبق موجود تھا۔

پاکستان اور انڈیا سمیت برصغیر کے بیشتر علاقوں میں بادل اور دھند کے باعث سورج کا گہنا پوری طرح نہیں دیکھا جا سکا۔ اس پر بھی سوشل میڈیا پر کافی لے دے ہوئی اور دُکھی صارفین نے اپنا غم غط کرنے کے لیے میمز کا سہارا لیا۔

مختلف ممالک میں گرہن کے مناظر

تصویر کے کاپی رائٹ Getty Images
Image caption بادشاہی مسجد، لاہور
تصویر کے کاپی رائٹ AFP
Image caption تمل ناڈو، انڈیا
تصویر کے کاپی رائٹ AFP
Image caption جکارتہ، انڈونیشیا
تصویر کے کاپی رائٹ AFP
Image caption ڈھاکہ، بنگلہ دیش

بنگ کاک، تھائی لینڈ

تصویر کے کاپی رائٹ AFP
Image caption بینکاک، تھائی لینڈ
تصویر کے کاپی رائٹ AFP
Image caption میانمار

اسی بارے میں