پشاور میں ایک اور حملہ

پشاور میں حملے کے بعد(فائل فوٹو)
Image caption پشاور میں مسلسل حملوں میں درجنوں لوگ ہلاک اور زخمی ہو چکے ہیں

پشاور میں جمعرات کو ضلع کچہری کے سامنے خود کش حملے کے تقریباً چودہ گھنٹے کے بعد رات گئے ایک پولیس کی ایک گاڑی پر ریموٹ کنٹرول بم سے حملہ کیا گیا ہے جس میں پولیس کے دو اہلکار ہلاک اور پانچ زخمی ہو گئے ہیں۔

خبر رساں ایجنسی اے ایف پی کے مطابق شہر کے شمال مغرب میں مضافات میں پیش آیا۔ اے ایف پی کے مطابق ایک سینیئر پولیس اہلکار محمد کریم خان نے بتایا کہ ’یہ ایک ریموم کنٹرول بم تھا جو سڑک کے کنارے رکھا گیا تھا‘۔

ایجنسی نے لیڈی ریڈنگ ہسپتال کے ڈاکٹر عطااللہ عارف کے حوالے سے بتایا کہ حملہ میں دو پولیس اہلکار ہلاک اور تین سپاہیوں سمیت پانچ افراد زخمی ہوئے ہیں۔

پولیس کی گاڑی پر یہ حملہ پشاور میں ضلع کچہری میں حملے کے چودہ گھنٹے بعد ہوا جس میں انیس لوگ ہلاک ہو گئے تھے۔

خبر رساں ایجنسی اے پی نے سینیئر پولیس اہلکار لیاقت علی خان کے حوالے سے خبر دی ہے کہ ریموٹ کنٹرول بم سے کیے جانے والے حملے میں پولیس کے دو افسران ہلاک اور چار زخمی ہو گئے ہیں۔

اسی بارے میں